Makòrzì 7:21 - Mokpwe: Bakwery (New Testament)

²¹ Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ.

Makòrzì 7:21 Mawu Ofanana

Matiyò 15:19

O ŋmèma mò eni ɔ̀ndi màlùtèyà ma wòhwe ema mà mò lìyɛ̀lɛ̀ ò lì òŋwa, lì gbeyà mòrzònje mò ndawò ya lìhwa, na lì gbeyà hvɛ la hwehvɛhvɛ hweyà hwe hwèŋgòmba. Manù màlùtèyà hvɛ ndi ma gbeyà a ihwa, ò lì tɛ̀mɛ̀ mbòŋgi ja mòlàŋgà na lì indà hwahvɛhvɛ hwatò.

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 7:20

Yerzù rzìi a òhwa hvɛ nanù ema, “Èŋgè ema e wurzà mòtò yɔ ndi e mò gbeyà a rza hwɛ̀ɛ̀ wòtani ò wòrzò wò ama Lohwɛ̀.

Makòrzì 7:22

Mòrzònje mò ndawò ya lìhwa, lì hwɛ wɔ̀, na lì gbeyà la hwehvɛhvɛ hweyà hwe wòhwe nàa ìilɔ̀ki, ìndɔ̀ki ja hweyà, merzàmbelì, ò lì òhwìrzɛ̀nɛ̀ mòtò wòhwe, e kumbà na lì gbeyà hwèètì hwe hweyà.

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Hwègbèèlì 5:4

Ndeŋgana ò e àhwirzɛ̀ èŋge erzàŋgò rzeke e mà hwɛ ndi e ya aŋgɔ e? O mburzà hvònda ema ò ma àhwirzɛ̀ eŋge etò, wòŋgò wòlì wò rzi hwɛ ndi ò wa aŋgɔ e? Mamɛ rzɔ e ma gbeyà ema ò lùtèyà ene nyayi eyà e? Rzeketɛ mòtò wa hwènàmà mɛnɛ ndi ò kɔ̀yelì hweyà ò kɔ̀yelì ndi Lohwɛ̀ hweyà!”

Hwègbèèlì 8:22

O tikòwe rzɔ, ò manù màlùtèyà ma aŋgɔ̀ ma wòhwe. O kanɛ̀ Rzàŋgò nanù ema a ò làkirzɛ̀ ema ò òhvi ene tumba mɔ̀ŋgɛ̀lɛ̀ ò ŋmèma mò aŋgɔ̀.

Ròmànì 7:5

Èhwanja e hvònda ema ɛ̀ɛ̀mɛ̀ ya arzu ya e mòtò wa hwènàmà e ma hwɛ lì jò kànèyà, e mbenda e ma hwɛ lì jò kɔ̀mɛ̀lɛ̀ ò màkèkìrzɛ̀nɛ̀ ma hweyàrzèlì hwe e nyàmà nyò. Ène e ma hwɛ ò lì jò gbeyà nanù ema i gbeye hweyà hwe wòhwe ema hwe jànà e kpelì.

Ròmànì 7:8

Ndi eŋge mbenda è mà hwèmìrzɛ̀ màlùtèyà mà ami mà wòhwe, rzìi è nò gbeyà ema nà wòteyà lì hwɛnɛ è nyɔ̀ŋgi yà nyàyi nà nyàyi jà hwema hwe hwatò. Ò rza enje tɛ tɔ̀ mbenda, nanù òma wòhwe wò rza enje tɔ̀.

Kòlòrzìyà 3:5

O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

Jèmìrzì 2:4

Èŋge ŋgànà e hwèlì ndi nanù ema inyɔ e uŋmɛ̀lɛ̀ ndi nanù ema, lòŋgo la hwatò hwa akayi hwahvɛhvɛ hwatò, nanù oma e kàyìrzɛ ndi hwatò na màlùtèyà mà wòhwe.