Makòrzì 7:15 - Mokpwe: Bakwery (New Testament)

¹⁵ Ò rza ènje tɔ̀ yomà ema e wùrza ò èwòkà rzìi e kpèeyà mòtò, rzìi e mò gbeyà a hwɛ ŋmiŋgò, ò wòrzò wò ama Lohwɛ̀. Ndi eyà ema e wurza mòtò ò tenì, yɔ̀ ndi e mò gbeyà ema a rza hwɛ wòrzàŋgì, ò wòrzò wò ama Lohwɛ̀.”

Makòrzì 7:15 Mawu Ofanana

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

Matiyò 15:16

Yerzù rzìi a hwa òhwàna nanù ema, “Nàtɛ̀ɛ na naŋgɛ inyɔ hvɛ e rza rzɔ̀ŋgìtɛ̀nɛ̀ e?

Makòrzì 7:14

Yerzù rzìi à hwɛlɛ e ŋgìndì ò lì mò jèeyà rzìi a hwa òhweyà nanù ema, “Inyɔ̀ hwa arzɛ e nò òkànèyà, e rzɔ̀ŋgìtɛ̀nɛ̀ hvɛ kɔ̀yi-kɔ̀yi!

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Ròmànì 14:17

Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.

1 Kɔ̀rintìyà 10:25

È hwɛnì wònja o lì làa tɔ̀ mamɛ ema ya ahwìrzɛ̀hwɛ o e lùwa e rzi hwɛ lì ijòwa mìijowelì ema me o jàneyà mètàkìrzɛ̀nɛ o ŋmèma, lì hvomɛ̀nɛ̀ mamɛ o andi.

Tàyìtùrzì 1:15

O hwatò ema hwa rzàŋgi, hwèèmà hwe arzɛ hwe rzàŋgi, ndi o hwaŋga hwatò ema hwa rza rzàŋgɛ, ndeŋgànɛlɛ hwa rza lòkɛ̀, tɔ̀ eyà o màlùtèyà mà awu nà ò mèèmà me awu e rza rzàŋgi.

Hibrù 13:9

È rzi kèka lì lùkɛlɛhwɛ na hwèyokòlelì ema hwe ayeŋgòwɛ̀. O lɔ̀wu nanù ema è ndèli ya ama Lohwɛ̀ è ètìrzɛ, rzeketɛ imbenda lì hvomɛ̀nɛ̀ mòlelì. Iŋgi mbenda e rza ohvi tɔ̀ mɔ̀rzɛ̀ŋgì na hwaŋga ema hwa ja ika.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.