Makòrzì 6:56 - Mokpwe: Bakwery (New Testament)

⁵⁶ Tɔ̀ ima èki ema à mà ɛ̀ndɛ ò màmbòwà marzàlì, na màndɛnɛ na ò ihvaya ema hwatò hwa lìya. Hwatò hwà mà jànà hwà-òkèlì tɔ̀ ima njuka ema hwatò hwà mà arzàŋganɛ ò lì gbeyà è nyòŋga. Nà òmà hwà mà hwa jane hwa rzòrzòmeya Yerzù nanù ema a hwɛmɛ hwà-òkèlì hwa tɔ̀te màà mà awu ò lìrzukù la lìwɔti la eni. Tɔ̀ ima mòòkelì ema à mà tɔ̀tɔ̀ lìrzukù la lìwɔti la ama Yerzù à mà wɔ̀wɔ̀.

Makòrzì 6:56 Mawu Ofanana

Matiyò 14:36

Rzìi hwa mò rzòrzòmeya ema hwaŋga hwà-òkèlì hwa tɔ̀te lìrzukù la eni la mòŋgòmbè mò eni na màà mà awu mɛnɛ, hwaŋga hwa arzɛ ema hwà mà tɔ̀tɔ̀ lìrzukù là mòŋgò mòŋgòmbè mò eni na màà mà awu hwà mà wɔ̀wɔ̀.

Matiyò 9:20

Nà òma hwa ma hwɛ lì ɛndɛ, ò ma hwɛ mòlanà mɔ̀kɔ aŋga ema màyija ma mà hwɛ lì wurza ò nyò ya eni ya mòlanà, lìyòmɛ̀ la meya na mehwakɛ à mà ja ò mburza ya ama Yerzù, rzìi a tɔ̀tɔ̀ lìrzukù la mòŋgòmbè mò eni na lìya la eni.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 6:55

Rzìi hwa uhweyà na lìhwaŋgi ò lì uka i njuka ja arzɛ ja èŋge erzòòkà, ò lì hwanɛ̀ hwà-òkèlì hwa arzɛ ò màkɔ̀kɔ̀, ò lì hwa ɛ̀ndɛnɛ ò hwèki hwe arzɛ ema hwà mà hweye ema Yerzù a hwèlì.

Lukàrzɛ̀ 22:51

Yerzù à mà hwa òhweyà nanù ema, “È hwɛ̀mɛ̀ nanù!” Rzìi à tɔ̀tɔ̀ lìŋgi lìtò là ama òŋgò mòtò, à mò wɔ̀wìrzɛ̀.

Lukàrzɛ̀ 6:19

Hwatò hwa arzɛ hwa mà hwɛ lì kèka ò lì mò lɛ̀mbɛ, èhwanja è ŋginyà è mà hwɛ lì mò wurzà ò nyò ya eni ò lì wɔ̀wìrzɛ̀ hwatò.

Lukàrzɛ̀ 8:44

Ònò mòlanà, rzìi a wurzeya Yerzù ò mburzà, rzìi a tɔ̀tɔ̀ lìrzukù la mòŋgòmbè mò eni na lìya la eni. O wòtɛmɛ̀tɛmɛ̀ màŋga màyija ma mà kɛ̀ɛ̀yà.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Hwègbèèlì 4:9

Irzɔ i kàyìrzɛ̀hwɛ tɛ yàwònò èhwànja ò gbamù ema i gbèelì ònò mòtò ema à mà ɔ̀kirzɛ̀ e nyàmbɛ ya mbòkò ndèŋgànɛ̀lɛ̀ nɛ mɔ̀ à mà wɔ̀wìrzɛ̀hwɛ,

Hwègbèèlì 5:15

Nàa e mbakò ya mamɛ ema i àpɔ̀rzìtòlò i ma hwɛ lì gbeyà, hwatò hwà mà hwanɛ hwaŋga ema hwà mà ɔ̀kirzɛ̀ ò lì hwa ika ò tòŋgòŋgò jà mà njiya, rzìi hwa hwà nàŋgirzɛ ò mànɔ̀ŋgɔ̀ na ò hwèrzarzì aŋga. Hwà mà hwɛ lì gbeyà nanù na màlùtèyà nanù ema Pètrò à aka tɛ èlìŋgɛ̀ ya eni e hwa undeya ndèŋgànà hwa ò wɔ̀wìrzɛ̀hwɛ.