Makòrzì 6:41 - Mokpwe: Bakwery (New Testament)

⁴¹ Yerzù rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ rzìi à ɔ̀ŋgɔ ò ŋmanyu yà lohwà, à ŋgba Lohwɛ̀ jeka, rzìi à kahwa hwèŋge hwèhvòòtò, à hwe ŋgba Hwà-òkòwèlì hwa eni ema hwa kàhweyà èŋge ŋgìndì. À mà wòwa hvɛ inyàmà ja ahwàkɛ ja malìhwà rzìi a kahweyà hwaŋga hwatò hwa arzɛ.

Makòrzì 6:41 Mawu Ofanana

Matiyò 14:19

Nà òma hwà-òkòwèlì hwa eni hwa mà hwe jànè, rzìi Yerzù à òhweyà hwaŋga hwatò ama hwa lìya ò mòkòòkò rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ, à ɔ̀ŋgɔ ò ŋmanyu yà lohwà, à ŋgba Lohwɛ̀ jeka rzìi à kɛrzɛ hweŋge hwèhvòòtò nà màà mà eni. Nà òma à mà hwe kɛ̀rzɛ, à ŋgba hwà-òkòwèlì hwa eni ò lì hwe kahweyà eŋge ŋgindi.

Matiyò 15:36

Rzìi à wòwa lìŋgi lìrzàmbà la hwèhvòòtò na iŋgi nyàmà, a ŋgba Lohwɛ̀ jeka, a ji kɛrzɛ, rzìi a ji ŋgba Hwà-òkòwèlì hwa eni Hwà-òkòwèlì hwa eni rzìi hwa ji kahweyà hwatò.

Matiyò 26:26

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e lèè e nyò ya ami ene.”

Makòrzì 14:22

Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e nyò ya ami ene.”

Makòrzì 6:40

Hwà mà lìya ò rze, hwàna hwa ŋgìndì na hwàna hwa ŋgìndì, lòŋgò egbe yɔ̀kɛ, yɔ̀kɛ, lòŋgò menìmeta, menìmeta, me hwatò.

Makòrzì 6:42

Hwàŋga hwatò hwa arzɛ hwà mà làa natɛ̀ɛ hwà mà ujà.

Makòrzì 7:34

Yerzù rzìi à ɔŋgɔ̀ ò ŋmanyu yà lohwà rzìi a rzìyòwa hvɔ̀ɔ rzìi a òhweyà òŋgò mòtò nanù ema, “Èhvàtà,” ene ŋgàna e hwèlì ndì nanù ema, “Lihvòweya.”

Makòrzì 8:19

È hvònda ema nà ma kahweyà hwekòlì hweta hwe hwatò hwèhvòòtò hweta, ŋgata itì ja mbùmbu ja hwehvetɛlɛ ja hwèhvòòtò ema e ma rzàŋge e?” Rzi hwa òhwa nanù ema, “Lìyòmɛ̀ là ŋgata na ihwàkɛ.”

Lukàrzɛ̀ 24:30

Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.

Lukàrzɛ̀ 9:16

Yerzù rzìi à wòwà hwèŋge hwèhvòòtò hwe atànɛ nà iŋgi nyàmà jà malìhwa jà awàkɛ, à ɔ̀ŋgɔ ò ŋmanyu yà Lohwà, à eka Lohwɛ̀, à kàhwa hwehvòòtò nà ìnyàmà jà malìhwa. À tɛ̀tìrzɛ̀ Hwà-òkòwèlì hwa eni ema hwa hwe kahweyà è ŋgìndì.

Yòwanìrzɛ̀ 11:41

O èŋgànɛ̀lɛ̀ hwaŋga hwatò hwà mà iŋgòlɛ lìŋgi lìŋyàyi ò lì ulɛhwɛ ò hwèkpèèlì hwe eŋge rzɔ̀ŋgɔ. Yerzù rzìi a ɔ̀ŋgɔ ò ŋmanyu yà lohwà rzìi a òhwa nanù ema, “Tatà na èki na òma ò nò alahwànɛ̀yi màkanɛ̀ mà ami.

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.

Yòwanìrzɛ̀ 6:11

Yerzù rzìi à wòwà hwèŋge hwèhvòòtò, à ŋgbà Lohwɛ̀ jèka, rzìi à ŋgba hwà-òkòwèlì hwa eni rzìi hwa kahweyà hwatò. Ò mburzà yà nanù à mà gbeyà hvɛ nanù nà iŋgi nyàmà. Tɔ̀ ima mòtò à mà làa nà òma à mà arze.

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

Hwègbèèlì 27:35

Nà òma Pàwolò à mà kulɛ lì òhwa nanù, rzi a wòwa èhvòòtò, a ŋgbàà Lohwɛ̀ jeka ò wòrzò wò wɔ̀ hwa arzɛ, à mà e kanda, rzi a wòteyà lì laa.

Ròmànì 14:6

Hwàŋga hwatò ema hwa lùtèyà nanù ema eyu yɔ̀kɔ e hwɛni wòlìtò lì aka hwehvɛhvɛ hweyu, hwa gbeyà ndi nanù ò lì ŋgbà e Rzàŋgò èluhwe. Hwàŋga ema hwa laa tɔ̀ mamɛ wɔ̀ hvɛ hwa gbeyà ndi nanù ò lì ŋgba e Rzàŋgò èluhwe èhwanja hwa ŋgba Lohwɛ̀ jeka lì hvòmɛ̀nɛ̀ mòŋgò mòlelì. Hwàŋga hwatò ema hwa kiya ò lì laa lòŋgò la hwema, hwa gbeyà ndi nanù ò lì ŋgba e Rzàŋgò èluhwe ndèŋgàna hwa ŋgba Lohwɛ̀ jeka.

1 Kɔ̀rintìyà 10:31

Ène ŋgàna e hwèlì ndi nanù ema, tɔ̀ mamɛ ema o làa tɔ̀ o nyɔ̀, tɔ̀ mamɛ ema o gbeyà, o hwe gbeyàne nà èluhwe ya ama Lohwɛ̀.

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.