Makòrzì 6:34 - Mokpwe: Bakwery (New Testament)

³⁴ È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Makòrzì 6:34 Mawu Ofanana

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 15:32

Yerzù rzìi a hwɛlɛ Hwà-òkòwèlì hwa eni ò nyò, rzìi a hwa òhweyà nanù ema, “Nà òkeya hwanù hwatò ììlì, èhwanja hwà mà hwɛ na imba lì uka mèènyà meyawò, ò naŋgɛ nanù, hwa rza òhvi tɔ̀ yòma ya lì làa. Nà rza arza lì hwa òhweyà ema hwa ɛ̀ndɛ e rzi hwɛ lì hwa ŋgbà yòma ya lì làa èhwanja hwa tànɛ̀yi lì rzòòwà ò njiya.”

Matiyò 9:36

È hvònda Yerzù à mà ɛnɛ è ŋgìndì, à mà è òkeyà ììlì rzayi-rzayi. Èhwanja hwa mà tàkirzɛhwɛ, hwa rza òhve hvɛ tɔ̀ lì òŋgòwànà. Hwa mà hwɛ ndi nàa mɛ̀ɛ̀lɛ̀ŋgù ema me rza òhvɛɛ mɔ̀ɔ̀ŋgèlì.

Makòrzì 6:33

Rzayì-rzayì jà hwatò hwa mà hwa ɛnɛ, nà òmà hwa mà hwɛ lì ɛ̀ndɛ, rzì hwa hwèmba ŋgèlì hvɔ̀kɔ. Hwaŋga hwatò hwa mà ùhwɛlɛlɛ ndi ò màmbòwà nà màmbòwà, rzìi hwa hwàŋgà nà mataŋga mà awu, rzìi hwa lòma lì uka èki ema Yerzù nà hwà-òkòwèlì hwa eni hwa mà hwɛ lì ɛ̀ndɛ̀.

Makòrzì 6:35

Nà òmà wùùnyà wò mà wòteyà lì àhva, rzìi hwà-òkòwèlì hwa mà Yerzù hwa mò jèeyà rzìi hwa mò òhweyà nanù ema, “Ène èki è utamì, è hvònda hvɛ è mà aka rzayì-rzayì

Makòrzì 8:1

Ò ìtììtènì ja mèŋge mèènyà, è hvɛhvɛ ŋgìndì ema jèeyà Yerzù. Kanatɛ hwa rza òhvɛ tɔ̀ yòma ya lì làa, Yerzù rzìi a hwɛlɛ hwà-òkòwèlì hwa eni, rzìi a hwa òhweyà nanù ema,

Makòrzì 8:2

“Nà òkeya hwanù hwatò ììlì. Èhwanja hwà mà hwɛ anù na imba mèènyà meyawò, hwa rzi lelì tɔ̀ yòma.

Lukàrzɛ̀ 9:11

Nà òmà è ŋgìndì e mà hweye nanù, hwa mà mò òŋgama aŋga rzìi hwa mò ùŋma. Yerzù à mà hwa karzɛ. À mà hwa òhweyà lì hvòmɛ̀nɛ̀ Lìkànèyà la ama Lohwɛ̀. Nà lì wɔ̀wìrzɛ̀ hvɛ è wɔ̀ ema hwà mà àrza lì wɔ̀wìrzɛ̀hwɛ.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.