Makòrzì 6:15 - Mokpwe: Bakwery (New Testament)

¹⁵ Hwanɛ̀yi hwa mà òhwa nanù ema, “A hwèlì ndi Èlàyijà.” Ndi hwanɛ̀ti hwà mà òhwa nanù ema, “A hwèlì ndi Mòòhwèlì wà Èlìŋgɛ̀, nàa Mòòhwèlì mɔ̀kɔ wà kòhwaa.”

Makòrzì 6:15 Mawu Ofanana

Matiyò 16:14

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì. Hwanɛ̀yi hvɛ hwa òhwa nanù ema ò hwèlì ndi Èlàyijà. Hwanɛ̀yi wɔ̀ hvɛ hwa òhwi nanù ema ò hwèlì ndi Jèrìmayà tɔ̀ òhvɛhvɛ Mòòhwèlì wa Èlìŋgɛ̀.”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Makòrzì 6:16

Ndi nà òmà e Mòkànèlì Hɛ̀rɔ̀dì a mà hweye nanù, rzìi a òhwa nanù ema, “A hwèlì ndì Yòwanìrzɛ̀ e Mòlùhwìrzèlì ema nà mà gbee ema hwà mà rzènjòwè mòhvò. À ma hvùmùwà.”

Makòrzì 8:28

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì, hwahvɛhvɛ hwa òhwa nanù ema ò hwèlì ndi Èlàyijà, hwanɛ̀yi hwa òhwa nanù ema ò hwèlì ndi Mòòhwèlì mɔ̀kɔ wà Èlìŋgɛ̀.”

Lukàrzɛ̀ 1:17

A ò hvùŋgàna ò wòrzò ndèŋgàna è Rzàŋgò e ò jà. A ò hwɛnɛ hvɛ e ŋginyà nà èlìŋgɛ̀ ŋgàna hvɔ̀kɔ nàa Èlàyijà è mòòhwèlì wà èlìŋgɛ̀ wà kòhwaa a mà hwɛnɛ. A ò rzèeya mèèmà me irzàŋgo nà hwàna hwa awu. Hwatò ema hwa hwɛnì maniya nà Lohwɛ̀, wɔ̀ hvɛ à hwa tikòwà ò lì jà ò lìhwiyè nà hwàtanèlì ò wòrzò wò ama Lohwɛ̀. A ò rzèkeya hwatò ò hwèjèelì hwe ama Rzàŋgò.”

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Lukàrzɛ̀ 9:19

Hwà mà mò alàhwɛ̀ nanù ema, “Lòŋgò hwa òhwa ndi ema ò hwèlì ndi Yòwanìrzɛ̀ è Mòlùhwìrzèlì. Lòŋgò hvɛ hwa ma, ò hwèlì ndi Èlàyijà. Hwahvɛhvɛ hwa òhwa ema, ò hwèlì ndi Mòòhwèlì mɔ̀kɔ wà Èlìŋgɛ̀, wa kòòhwa ema à tìmbi ò lòŋgɛ.”

Lukàrzɛ̀ 9:8

Hwahvɛhvɛ hwatò hwa mà hwɛ ndi lì òhwà nanù ema Èlàyijà mɔ̀ ndì à mà tìmbɛ̀ɛ̀ ò rze. Hwanɛ̀yi hvɛ̀ hwa mà hwɛ ndi lì òhwà nanù ema mòohwà hwèlìŋgɛ̀ mɔ̀kɔ wà kòhwaa mɔ̀ ndì à tìmbi lòŋgɛ.

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 1:25

Rzìi hwa mò ijòwa hvɛ nanù ema, “Ò wà ò rza enje tɛ è Mɔ̀ ema à Ɔ̀kirzɛ̀hwɛ̀yi tɔ̀ Èlàyijà tɔ̀ è mòòhwèlì wà èlìŋgɛ̀ ema à ambɛlɛhwɛyi ì mà wònjà rzɔ ò wà ò hwɛnì ò lì lùhwìrzɛ̀ e?”

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 7:40

Nà òma lòŋgò la hwatò ò tenì ya eŋge ŋgindi hwà mà hweye hweyà ema Yerzù à mà òhwe, wɔ̀ hwà mà òhwa nanù ema, “Nà è jɔ̀kɛ̀ ònò mòtò a hwèlì ndi e mòòhwèlì wà èlìŋgɛ̀.”

Yòwanìrzɛ̀ 9:17

Ihvàlìrzàyì rzìi hwa ijòwa òŋgò mòtò hvɛ nanù ema, “O òhwi nanù ema a ò wɔ̀wìrzɛ̀ e ndima ya aŋgɔ̀. O èŋgànɛ̀lɛ̀ mamɛ ò tànɛyi lì òhwa lì mò hvòmɛ̀nɛ̀ e?” Oŋgò mòtò rzìi a hwa alàhwɛ̀ nanù ema, “Yerzù a hwèlì ndi Mòòhwèlì wà èlìŋgɛ̀.”