Makòrzì 6:14 - Mokpwe: Bakwery (New Testament)

¹⁴ È mòkànèlì Hɛ̀rɔ̀dì a mà hweyà hwenè hweyà ema Yerzù ama hwɛ lì gbeyà. Èhwanja hweyà hwe gbamù Yerzù à mà hwɛ lì gbeyà, hwe ma gbeyà a mà hwìyɛ̀nɛ̀ hwèkì hwe àrzɛ. Lòŋgò la hwatò hwa mà hwɛ ndi lì òhwa nanù ema, “Yòwanìrzɛ̀ è Mòlùhwìrzèlì ndi à mà hvùmùwɛ̀ ò kpelì, ɔ̀ndeŋgàtɛ̀ a òhvi ŋginyà ya lì gbeyà manù mànyàkà mà arzɛ.”

Makòrzì 6:14 Mawu Ofanana

Matiyò 9:31

Ndi wɔ̀ hwa ma wurza rzìi hwa timba ndi lì nyàlirzɛ̀ mànyakà ma ama Yerzù ò eŋge èhvàrzù ya eŋge èkòmè ya arzɛ.

Makòrzì 1:28

Ŋmɛ̀ndì mò ama Yerzù, mò mà eyàlɛ̀nɛ̀ erzòòkà yà arzɛ yà Gàlìlì.

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Makòrzì 8:28

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì, hwahvɛhvɛ hwa òhwa nanù ema ò hwèlì ndi Èlàyijà, hwanɛ̀yi hwa òhwa nanù ema ò hwèlì ndi Mòòhwèlì mɔ̀kɔ wà Èlìŋgɛ̀.”

Lukàrzɛ̀ 13:31

O lìŋgi lìrzàkò lòŋgò la Ihvàlìrzàyì hwa mà jèeyà Yerzù, rzi hwa mò òhweyà nanù ema, “Anjiya anù, ò ɛ̀ndɛ̀ ehvɛhvɛ èki èhwanja kìŋgɛ̀ Hɛ̀rɔ̀dì à arza lì ò òŋwà.”

Lukàrzɛ̀ 3:1

È hvònda ema è mòkànèlì Tìbɛ̀rìyàrzì a mà hwɛ è Kàyìrzà yà Ròmànì, ò hvòkà yà lìyòmɛ̀ la meya nà meta me lìkànèyà la eni, Eyà ya Lohwà e mà jèeya Yòwanìrzɛ̀, è ŋmanà wà ma Rzàkàriyà è hvònda ema a mà hwɛ ò mòrzanjɛ̀. Èŋge hvònda ndi Pòntìyùrzì Pìlatò a mà hwɛ è mòkànèlì hwà Jùdeyà. Hɛ̀rɔ̀dì mɔ̀ hvɛ ndi à ma hwɛ è mòkànèlì wà èkòmè ya Galìlì, ndèŋgà ŋmanyàŋgò Hvìlìpì hvɛ è mòkànèlì hwà èkòmè ya Ìturèyà nà èkòmè ya Tràkònitìrzì. Lìrzànìyàrzì hvɛ è mòkànèlì wa èkòmè ya Àbilɛ̀nì. Èŋge hvònda mɛnɛ ndi Anàrzì nà Kàyìhvàrzì hwa mà hwɛ Ipìlìrzì ì Karzamì.

Lukàrzɛ̀ 7:17

Mònò ŋmɛ̀ndi mò lì hvomɛ̀nɛ̀ mamɛ Yerzù a mà gbèye mò mà hweyàhwà ò èŋge erzòòkà ya àrzɛ ya Jùdeyà na ò hwèkòmè hwe arzɛ ema hwe ma kòmbɛ̀nɛ̀.

Lukàrzɛ̀ 9:19

Hwà mà mò alàhwɛ̀ nanù ema, “Lòŋgò hwa òhwa ndi ema ò hwèlì ndi Yòwanìrzɛ̀ è Mòlùhwìrzèlì. Lòŋgò hvɛ hwa ma, ò hwèlì ndi Èlàyijà. Hwahvɛhvɛ hwa òhwa ema, ò hwèlì ndi Mòòhwèlì mɔ̀kɔ wà Èlìŋgɛ̀, wa kòòhwa ema à tìmbi ò lòŋgɛ.”

1 Tɛ̀rzàlonìyà 1:8

Inyɔ ndi è gbèyi ndèŋgànà ŋmɛ̀ndì mò gbamù mò ama è Rzàŋgo mò hwɛ̀ɛ̀nɛ̀yi ò hwehvɛhvɛ hwèki. Rzeketɛ ò erzòòkà yà Màrzèdonìyà nà Àkayiyà mɛnɛ ndi mò hwɛ̀ɛ̀nɛ̀yi. Ndi nà oma inyɔ è lòkɛ̀ Lohwɛ̀, mò hweyàhwì èki yà arzɛ. Ò eŋgànɛ̀lɛ̀ ò rza enje hvɛ tɔ̀ lìtiŋga ema irzɔ jò òhwa ene eyà hvɛ lì è hvomɛ̀nɛ̀.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.