Makòrzì 5:9 - Mokpwe: Bakwery (New Testament)

⁹ Yerzù rzìi a mò ìjòwa nanù ema, “O hwɛ̀lɛ̀hwɛ̀ ndi njɛnɛ̀ e?” Oŋgò mòtò rzìi a mò alàhwɛ̀ nanù ema,

Makòrzì 5:9 Mawu Ofanana

Matiyò 12:45

Èŋge èlìŋgɛ̀ e ɛ̀ndɛ̀ ò lì jànà hwehvɛhvɛ hwèlìŋgɛ̀ hwe wòhwe lìrzambà, ema hwe hwèlì wòhwe lì mò àka, rzìi hwe jà ò lì kpèeyà òŋgò mòtò, rzìi hwe arzɛ̀kɛ̀lɛ̀ aŋga. Lìŋgi lìrzàkò rzɔ, òŋgò mòtò a hwɛ wòhwe lì aka mamɛ à mà lòme lì hwɛ. O èŋgànɛ̀lɛ̀, nanù ndi e ò gbèyɛ̀nɛ na ene nyɔ̀ŋgɔ̀nì ya yàwònò.”

Matiyò 26:53

O rza hwi nanù ema, na tànɛyi lì hwɛlɛ e Tatɛ̀ wa ami ò lì nò òŋgòwànà, ndèŋgànɛ̀lɛ̀ ò lìwòkimɛnɛ a nò òmeya lì aka lìyòme la matutà mà aŋgèlì nà mà hwàkɛ e?

Makòrzì 5:10

“Nà hwɛ̀lɛ̀hwɛ̀ ndi lìnyɛyi èhwanja ì kòki ò ene nyò.” Rzi òŋgò mòtò a rzòrzòmeya Yerzù ŋgèlì rzayì-rzayì ama, à rzi òma hwèlìŋgɛ̀ hwe wòhwe ò èŋge erzòòkà.

Makòrzì 5:15

È hvònda ema hwatò hwa mà jèe ò ma Yerzù rzìi hwa ɛnɛ òŋgò mòtò ema lìnyɛyi la hwèlìŋgɛ̀ hwe wòhwe hwe mà tàkìrzɛ̀, mɔ̀ ndì a lìyayi, nà lìwɔtì la gbamù, nà màlùtèyà ma gbamù. Hwa mà kpèeyà wɔ̀ŋgɔ̀.

Makòrzì 5:8

A ma òhwa ndi ene Èya èhwanja, Yerzù à mà hwɛ à mà màa lì òhweyà èlìŋgɛ̀ ya wòhwe nanù ema, “O wa èlìŋgɛ̀ ya wòhwe ò mò anjiye ò nyò ya eni!”

Lukàrzɛ̀ 8:30

Yerzù à mà mò ijòwa nanù ema, “O hwɛ̀lɛ̀hwɛ̀ ndi njɛnɛ e?” Rzìi à mò alàhwɛ̀ nanù ema, “Nà hwɛ̀lɛ̀hwɛ̀ ndi jɔ̀ɔjɔ̀ɔ.” Onò mòtò à mà òhwa ndi nanù, èhwanja hwèlìŋgɛ̀ hwe wòhwe rzayì-rzayì hwe mà mò kpèeyà ò nyò.