Makòrzì 5:41 - Mokpwe: Bakwery (New Testament)

⁴¹ À mà lɛ̀mbɛ lìya la ama òŋgò ŋmanà ŋgɔ̀ndɔ̀ rzìi a mò òhweyà nanù ema, “Talìta Kùmi.” (Ène ŋgàna e hweli ndì nanù ema, “Ŋmanà ŋgɔ̀ndɔ̀, na òhwèlì ema ò tɛ̀mɛ̀nɛ̀ ò ŋmanyu.”)

Makòrzì 5:41 Mawu Ofanana

Makòrzì 1:31

Yerzù rziì à ɛ̀ndɛ ò mà òŋgò mòlanà, à mò lɛ̀mbɛ̀ lìya. À mò òŋgòwànà ò lì tɛ̀mɛ̀. Liŋgi lìyètì lì mà wɔ̀wɔ̀ rzìi òŋgò mòlanà à hwa kàrzɛ̀.

Makòrzì 1:41

Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Makòrzì 5:40

Ndì lìnyɛyi la hwatò hwà mà mò yɔ̀yèyà. A ma hwa wurzirzɛ wɔ̀ hwa arzɛ ò èwòka. Rzi a wòwa e rzàŋgò, na e nyàŋgò ya ama òŋgò ŋmanà, na Hwà-òkòwèlì hwa eni hwaayɛɛ̀ e ma à mà jane, hwa ɛ̀ndɛ ò èki ema e ŋmanà à mà hwɛ.

Makòrzì 5:42

O wòtɛ̀mɛ̀tɛ̀mɛ̀ òŋgò ŋmanà rzìi a tɛ̀mɛ̀, a wòteya lì ɛ̀ndɛ èki ya arzɛ. (A ma hwɛ ndi lìyòmɛ̀ la meya na mehwakɛ.) È ŋgìndì yà hwatò ya arzɛ e ma jeja.

Ròmànì 4:17

È tìlahwì ò kaàtì yà Lohwà nanù ema, Lohwɛ̀ à mà òhweyà Abràhamù nanù ema, “Ìmba nà ò gbèyi è tatɛ̀ yà rzayì-rzayì ja hwèkòmè.” O èŋgànɛ̀lɛ̀ ò wòrzò wò ama Lohwɛ̀ Abràhamù ndi à hwèlì e tatɛ̀ hwa arzu. Lòohwà ema Abràhamù a lòkɛ̀, lì hwèlì ndi Lòohwà ema lì ŋgba hwatò ema hwa ŋwelì lòŋgɛ lìŋgi Lohwɛ̀ ema lì hvùmùlɛ̀ɛ è wɔ̀ hwa ŋwelì lòŋgɛ, ndèŋgàna mɔ̀ ndi à òhwa aŋga nanù hwèèmà ema hwe rza enje hwe hwɛ.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.