Makòrzì 5:34 - Mokpwe: Bakwery (New Testament)

³⁴ Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀, ò kàrzò ò mètàkà me aŋgɔ̀ me arzɛ.”

Makòrzì 5:34 Mawu Ofanana

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Matiyò 9:22

Yerzù rzìi a ayèŋgòwɛ̀ à mò ɛnɛ̀, rzìi à mò òhweyà nanù ema, “È ŋmanà wà amì wà mòlanà kòkò, lìlòkɛ̀ la aŋgɔ̀ ndi lì ò wɔ̀wìrzɛ̀yi.” Lìwòkìmɛ̀nɛ̀ òŋgò mòlanà à mà wɔ̀wɔ̀.

Makòrzì 10:52

Yerzù rzìi a mò òhweyà nanù ema, “Ɛndɛ, lìlòkɛ̀ la aŋgɔ lɔ ndi lì ò wɔ̀wìrzɛ̀yi.” Lìwòkìmɛ̀nɛ̀ a wòteyà lì ɛnɛ̀, rzìi a òŋgama Yerzù e njiya ya arzɛ.

Makòrzì 3:10

Èhwànja Yerzù à mà wɔ̀wìrzɛ̀ rzayì-rzayì ja hwatò, ò èŋgànɛ̀lɛ̀ hwatò ema hwà mà ɔ̀kirzɛ na ihvɛ-hvɛ nyàmbɛ, hwa mà hwɛ lì àyìinɛ̀lɛ̀ ò lì mò uka nanù ema a hwa hwàkɛ màà mà eni.

Makòrzì 5:29

Nà òmà òŋgò molanà a mà tɔ̀te lìya la eni ò mòŋgòmbè mò ama Yerzù, ò lìwòkìmɛnɛ èŋge nyàmbɛ yà hwalanà è wɔ̀wɔ̀. À mà ayèmbɛ ŋmìti nanù ema a kàrzò ò mòtàkà mò eni.

Makòrzì 5:33

Oŋgò mòlanà à mà hwiya mamɛ e ma mò gbèyɛnɛ, rzi a kpèeyà Yerzù ò mataŋga na wɔ̀ɔŋgɔ̀, na mòkambiya rzi a mò òhweyà e jɔ̀kɛ̀ ya àrzɛ ya mamɛ e ma mò gbèyɛ̀nɛ.

Lukàrzɛ̀ 17:19

Yerzù rzìi a mò òhweyà nanù ema, “Tɛmɛ ò ɛ̀ndɛ̀. Lìlòkɛ̀ lì aŋgɔ̀ lì ò tùnìrzɛ̀yi.”

Lukàrzɛ̀ 18:42

Yerzù rzìi a mò òhweyà nanù ema, “Ɛnɛ̀ nàŋgɛ! Lìlòkɛ̀ la aŋgɔ̀, lì ò wɔ̀wìrzɛ̀yi.”

Lukàrzɛ̀ 7:50

Yerzù rzìi à òhweyà òŋgò mòlanà nanù ema, “Lìlòkɛ̀ lì aŋgɔ̀, lì ò òŋgirzɛyi. O ɛ̀ndɛ nà ɛ̀yɔ̀lɛ̀.”

Lukàrzɛ̀ 8:48

Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀.”

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Hwègbèèlì 15:33

Nà òma hwà mà lìya aŋga ò ŋmanà hvòka hvònda hwàlòkèlì hwà mà ɛndɛ lì hwà lìyɛlɛ na ɛ̀yɔ̀lɛ̀ rzìi hwa timbeya hwatò ema hwà mà hwa òma.

Hwègbèèlì 16:36

O èŋgànɛ̀lɛ̀ rzɔ e mɔ̀ɔ̀ŋgèlì hwa hwèwòwà à mà òhweyà Pàwolò nanù ema, “Hwàtimbèlì hwà mà òma ŋmɛ̀ndì nanù ema, ò wa na Rzàyìlàrzì e rzòlòwahwe ò hwèwòwà. O èŋgànɛ̀lɛ̀ rzɔ e tànɛyi lì ɛ̀ndɛ naŋgɛ. È ɛndɛ na ɛ̀yɔ̀lɛ̀.”

Jèmìrzì 2:16

Rzìi mɔ̀kɔ wa anyu a mo òhweyà nanù ema, “Ɛndɛ gbamù, o luwe mamɛ ema o wɔ̀tɔ̀ ndèŋgànɛlɛ o luwe hvɛ mamɛ ema o ò lɛɛ.” È mo òhwèlì tɛ nanù, e rzi hwɛ a hwɛ nanù ema, e mo ŋgbelì hweyàrzèlì hwa eni, ima wotumba wo gbamù ema inyɔ e mo gbèelì e?