Makòrzì 5:30 - Mokpwe: Bakwery (New Testament)

³⁰ Yerzù à mà èmba nanù ema ŋginyà e mò anji ò nyò. Lìwòkìmɛ̀nɛ̀ à mà ayèŋgòwɛ̀, rzìi a ijòwa e ŋgìndì nanù ema, “Njɛnɛ a tɔ̀ti mòŋgòmbè mò amì na lìya la eni e?”

Makòrzì 5:30 Mawu Ofanana

Makòrzì 5:31

Hwà-òkòwèlì hwa eni rzìi hwa mò alàhwɛ̀ nanù ema, “Ò wa ò ɛnɛ e ŋgindi ya hwatò ema e ò tòŋgi, rzìi ò a ijòwa hvɛ ò ma njɛnɛ a nò tɔ̀ti e?”

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 6:19

Hwatò hwa arzɛ hwa mà hwɛ lì kèka ò lì mò lɛ̀mbɛ, èhwanja è ŋginyà è mà hwɛ lì mò wurzà ò nyò ya eni ò lì wɔ̀wìrzɛ̀ hwatò.

Lukàrzɛ̀ 8:46

Ndi Yerzù à mà òhwa nanù ema, “Mòtò mɔ̀kɔ à nò tɔ̀tì èhwanja nà hweyi nà òmà è ŋginyà e nò ànji ò nyò.”

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.