Makòrzì 5:23 - Mokpwe: Bakwery (New Testament)

²³ A mò atɛkɛ nà ŋginyà nanù ema, “È ŋmanà ŋgɔ̀ndɔ̀ wa ami à hwèlì ndi ò mòhvèhvè mò kpelì, rzònì jà ò mò hwàkɛ màà mà aŋgɔ̀ a wɔ̀we, a hwɛ lòŋgɛ.”

Makòrzì 5:23 Mawu Ofanana

Matiyò 8:3

Yerzù à mà enyòwa lìya là eni à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!” O wòtɛmɛ̀tɛmɛ̀ è nyàmbɛ yà mɔ̀lɔ̀ŋgɔ è mà kuwa ò nyò yà eni.

Makòrzì 16:18

Wɔ̀ wò ò lɛ̀mbɛ hvɛ màahwa na màà mà awu, ndi maŋga mààhwà mà rza ò hwa gbeyà tɔ̀ Èya. Tɔ̀ hwa nyɔ ndi tɔ̀ mamɛ ema e jɔ̀kɔ̀hwi, e rzà hwa gbeyà tɔ̀ Èya. Wɔ̀ hwa ò hwàkɛ màà mà awu ò hwatò ema hwa ɔ̀kìrzɛ, ndèŋgànɛ̀lɛ̀ hwaŋga hwà-òkèlì, hwa ò wɔ̀wìrzɛ̀hwɛ.”

Makòrzì 5:24

Yerzù à mà wòteyà lì ɛ̀ndɛ nà òŋgò mòtìmbèlì ò ndawò ya ama òŋgò mòtìmbèlì.

Makòrzì 6:13

Hwa mà hvaya rzayì-rzayì ja hwèlìŋgɛ̀ hwe wòhwe, rzìi hwa nyàlɛ hvɛ rzayì-rzayì ja hwatò hwà mà ɔ̀kirzɛ̀ lìyɔ̀ki la Njàhwɛ̀ rzi hwa hwà wɔ̀wìrzɛ̀.

Makòrzì 7:32

Lòŋgò la hwatò rzìi hwa mò jàneya mòtò ema a rzìi hvɔ̀ŋgɛ̀, a rzi tanɛ hvɛ lì òhwa gbamù. Hwa mà rzòrzòmeya Yerzù nanù ema a mò hwàkɛ màà mà eni.

Makòrzì 8:23

Rzìi à lɛ̀mbɛ eŋge ndima ya mòtò ò lìya la eni rzìi a mò tìmba à mò anjiyana èŋge mbòwà rzàlì. À rzɔ̀yeya èŋge ndima hweyɔ̀lì ò mirzɔ̀, Yerzù rzìi a mò hwàkɛ màà mà eni ò nyò ya eni, rzìi a mò ijòwa nanù ema, “Ò ɛni yòma e?”

Lukàrzɛ̀ 13:13

A mò hwàkɛ lìya la eni. O wòtɛmɛ̀tɛmɛ̀ òŋgò mòlanà a tɛnɛ̀nɛ, a wòteya lì ŋgbàà Lohwɛ̀ jeka.

Lukàrzɛ̀ 4:38

Yerzù à mà uhwɛlɛlɛ ò ndawò yà màkanɛ̀, rzìi a ɛ̀ndɛ ò ndawò ya àma Rzìmɔ̀nì, Rzìmɔ̀nì nyàŋgò wà èni wà lìhwa à mà kòmeya ŋgɔ̀wu yà mòrzòrzòmbe. Àŋga, ndi hwa àkòwàna Yerzù ema, a mò wɔ̀wìrzɛ̀.

Lukàrzɛ̀ 4:40

È hvònda igbe ì mà wòteya lì ɔ̀ndɔ̀meyà, hwa mà mò jàneya hwà-òkèlì hwa nyayi nà nyayi ja nyàmbɛ. À mà kùwa lì hwa hwàkɛ màà mà eni, rzìi hwa arzɛ hwa wɔ̀wɔ̀.

Lukàrzɛ̀ 7:12

Nà òmà a mà kòmbɛ̀nɛ̀ hwe kpèelì hwe èŋge mbòwà, hwatò hwà mà wurzana èembe yà mòtò ema, e ma hwɛ ndi ehvòwa ya ŋmanà ya mòŋgò mòkurze mò mòlanà. Èŋge ŋgìndì ema è ma wurza ò èŋge mbòwà è mà hwɛ nà òŋgò mòlanà.

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

Hwègbèèlì 28:8

Publìyùrzì rzàŋgò wa eni à mà nàŋga ò lìnɔ̀ŋgɔ̀ na nyambɛ. A ma òhva ŋgɔ̀wu, rzìi a à nyàànà hvɛ na e mbàta. Pàwolò à mà ɛ̀ndɛ lì mò ùŋmanɛlɛ ò tùu rzìi a mò hwàkɛ màà mà eni, a mò kànɛlɛlɛ rzìi a mò wɔ̀wìrzɛ̀.

Hwègbèèlì 6:6

Hwà mà jana hwanu hwatò ò wòrzò wò I àpɔ̀rzìtòlò. I àpɔ̀rzìtòlò rzìi i hwa kanɛ̀lɛ̀lɛ̀ i hwa hwàkɛ̀ hvɛ màa.

Hwègbèèlì 8:17

Aŋga ndì Pètrò nà Yòwanìrzɛ̀ hwà a hwa hwàkɛ màà mà awu rzi hwa luwa Èlìŋgɛ̀ yà Wòtani.

Hwègbèèlì 9:12

ndèŋgànà à hwèlì lì ɛnɛ̀ jɛ̀nɛ̀nì. Ò tènì yà iŋgi jɛ̀nɛ̀nì, mɔ̀ à ɛni mòtò ema à hwɛ̀lɛ̀hwɛ̀ Ànàniyarzì ema à kpèèlì rzi à mò hwàkɛ màà mà eni aŋga nanù mɔ̀ à ò ɛnɛ̀ hvɛ.”

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”