Makòrzì 5:15 - Mokpwe: Bakwery (New Testament)

¹⁵ È hvònda ema hwatò hwa mà jèe ò ma Yerzù rzìi hwa ɛnɛ òŋgò mòtò ema lìnyɛyi la hwèlìŋgɛ̀ hwe wòhwe hwe mà tàkìrzɛ̀, mɔ̀ ndì a lìyayi, nà lìwɔtì la gbamù, nà màlùtèyà ma gbamù. Hwa mà kpèeyà wɔ̀ŋgɔ̀.

Makòrzì 5:15 Mawu Ofanana

Matiyò 12:29

“Inyɛ̀ na e òhweyà, ò rza tànɛyi lì kpèeyà ò ndawò ya mòtò ema a imbami rzìi ò mò hvùmana erzaŋgò ya eni ema ò rza lòmɛ̀ lì mò kakà. Ò mà kùlɛ̀ tɛ lì mò kakà, lìŋgi lìrzàkò ɔ̀ndi ò mò wòwànà erzaŋgò ya eni ya arzɛ.

Matiyò 26:53

O rza hwi nanù ema, na tànɛyi lì hwɛlɛ e Tatɛ̀ wa ami ò lì nò òŋgòwànà, ndèŋgànɛ̀lɛ̀ ò lìwòkimɛnɛ a nò òmeya lì aka lìyòme la matutà mà aŋgèlì nà mà hwàkɛ e?

Matiyò 4:24

O èŋgànɛ̀lɛ̀ hwèyà ema Yerzù à mà hwɛ lì gbèya hwe mà hwèyàhwà ò erzòòkà yà arzɛ yà Rzìlèyà. Ene eyà è mà gbèya ema hwatò hwa mà hwɛ lì mò jànèyà hwà-òkèlì hwa arzɛ. Hwa mà hwɛ lì mò jàneyà hwatò ema hwa mà ɔ̀kìrzɛ̀ inyayi na nyayi ja nyàmbɛ na merziyò mè nyò. Hwatò ema hwa ma òhva hwèlìŋgɛ̀ hwe wòhwe, hwatò ema hwa ma hwɛ lì hvòkòwa, nà hwatò hwa è nyàmbɛ yà njɛmbu Yerzù à mà hwa wɔ̀wìrzɛ̀ wɔ̀ hwa arzɛ.

Matiyò 9:33

Nà òma Yerzù à mà wurzirzɛ eŋge èlìŋgɛ̀ ya wòhwe, ò ma òŋgò mòtò ema à mà hwɛ mbùke rzìi òŋgò mòtò a wòteya lì òhwa. È ŋgìndì ema e ma hwɛ aŋga e ma tàmà rzìi hwa wòteya lì òhwa nanù ema, “Ene nyayi ya eyà e rzìi gbèyɛ̀nɛ ò èkòmè ya arzɛ ya Irzàyɛ̀lì.”

Makòrzì 5:14

Hwàŋga hwatò ema hwà mà hwɛ lì ɔ̀ŋgeyà iŋgi ŋgòwa hwa mà hwaŋga lì ɛ̀ndɛ lì òhweyà hwatò hwa è mbòwà nà è wɔ̀ hwa tòŋgòŋgò mamɛ e ma gbèyɛ̀nɛ̀. Hwàŋga hwatò hwa mà wurza ò lì ɛ̀ndɛ lì ɔ̀ŋgɔ mamɛ e gbèyɛ̀nɛ̀yi.

Makòrzì 5:16

Hwàŋga hwatò ema hwà mà ɛnɛ mamɛ ya arzɛ ema e ma gbèyɛ̀nɛ̀, rzi hwa wòteyà lì òhweyà hwanɛ̀yi hwatò mamɛ ya arzɛ ema e ma gbèyɛ̀nɛ̀ nà òŋgò mòtò ema à mà òhva hwèlìŋgɛ̀ hwe wòhwe nà mamɛ hvɛ ema e ma gbèyɛ̀nɛ̀ nà ì ŋgòwa.

Makòrzì 5:18

Nà òmà Yerzù à mà hwɛ lì kpèeyà ò wɔ̀lɔ̀, òŋgò mòtò ema à mà wɔ̀wìrzɛ̀hwɛ ò hwèlìŋgɛ̀ hwe wòhwe rzìi a wòteyà lì mò rzòrzòmeyà ema à mò nɔŋge.

Makòrzì 5:4

Ònò mòtò à mà nyàmɛ̀lɛ lì kakahwa la màa nà ŋmeende nà ì ŋgɔ̀kɔ̀hwì, ndi ì hvònda ja arzɛ à mà hwɛ lì tuma iŋgi ŋgɔ̀kɔ̀hwì. À mà imbama rzayì-rzayì ema tɔ̀ mòtò a rzi tanɛ lì mò kakà ò rze.

Makòrzì 5:9

Yerzù rzìi a mò ìjòwa nanù ema, “O hwɛ̀lɛ̀hwɛ̀ ndi njɛnɛ̀ e?” Oŋgò mòtò rzìi a mò alàhwɛ̀ nanù ema,

Lukàrzɛ̀ 10:39

Màta à mà hwɛnɛ ŋmanyàŋgò wà èni mɔ̀kɔ ema à ma hwɛ̀lɛ̀hwɛ̀ Màlìyɛ̀. Màlìyɛ̀ rzìi a lìiya Yerzù ò tòŋgòŋgò yà èni lì òkànèyà hwèyòkòlèlì hwe eni.

Lukàrzɛ̀ 8:27

Nà òmà Yerzù a mà ùke ò rzààwà yà èŋge yùlù, à mà tàneyà mòtò ema à ma òhva hwèlìŋgɛ̀ hwe wòhwe. O mà hwɛ hvònda ema è wàwi e ma ònò mòtò a rzi hwɛ lì wɔ̀tɔ̀ tɔ̀ mààtù. À rzi hwɛ lì lìya hvɛ tɔ̀ ò ndawò. À mà hwɛ ndi lì lìya ò mòònda mò rzɔ̀ŋgɔ̀.

Kòlòrzìyà 1:13

Mɔ̀ à mà jò ulɛ̀ ò rze yà è ŋginyà yà lìkànèyà là jìtìtì, ndèŋgànà à mà jò jànà ò tenì yà lìkànèyà là ama è ŋmanà wà eni wà ndìŋgɛ yà màlìŋgò.

2 Tìmotì 1:7

Lohwɛ̀ à rza jò gbèyi ndi nà nanù ema jò òke wɔ̀ŋgɔ̀ ò lì mò gbèeyà. Ndi èlìŋgɛ̀ ya eni è mà jò ŋgba ŋginyà ò lì mò gbèeyà, è mà jo gbeyà nanù ema irzɔ i lìŋgàne hwatò, è mà jò gbèeyà nanù ema jà alɛ̀mbɛ irzɔ hwiti.