Makòrzì 5:14 - Mokpwe: Bakwery (New Testament)

¹⁴ Hwàŋga hwatò ema hwà mà hwɛ lì ɔ̀ŋgeyà iŋgi ŋgòwa hwa mà hwaŋga lì ɛ̀ndɛ lì òhweyà hwatò hwa è mbòwà nà è wɔ̀ hwa tòŋgòŋgò mamɛ e ma gbèyɛ̀nɛ̀. Hwàŋga hwatò hwa mà wurza ò lì ɛ̀ndɛ lì ɔ̀ŋgɔ mamɛ e gbèyɛ̀nɛ̀yi.

Makòrzì 5:14 Mawu Ofanana

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Matiyò 8:33

Hwàŋga hwatò ema hwa ma hwɛ lì ɔ̀ŋgeyà iŋgi ŋgòwa hwa mà hwaŋga, hwa ɛ̀ndɛ lì kpèeyà ò mbòwà. Hwa wòteyà lì òhweyà hwatò mamɛ ya arzɛ ema e gbèyɛ̀nɛ̀ na hwaŋga hwatò ema hwa ma òhva hwèlìŋgɛ̀ hwe wòhwe.

Makòrzì 5:13

Yerzù à mà ŋgba hwèŋge hwèlìŋgɛ̀ hwe wòhwè wònjà ò lì kpèeyà iŋgi ŋgòwa, rzì hwe anjiya òŋgò mòtò o nyo, hwe ɛ̀ndɛ lì kpèeyà iŋgi ŋgòwa ema ì ma hwɛ Èya ya hwekòlì hwehwàkɛ. Rzìi iŋgi ŋgòwa ì hwaŋga ò lì rzihwa mòŋgò mòòlì natɛ̀ɛ, ì unda ò tenì ya yùlu ya malìhwa èma mà ma hwɛ ò rze ya mòŋgò mòòlì, rzi iŋgi ŋgòwa ì kùwa lì inda.

Makòrzì 5:15

È hvònda ema hwatò hwa mà jèe ò ma Yerzù rzìi hwa ɛnɛ òŋgò mòtò ema lìnyɛyi la hwèlìŋgɛ̀ hwe wòhwe hwe mà tàkìrzɛ̀, mɔ̀ ndì a lìyayi, nà lìwɔtì la gbamù, nà màlùtèyà ma gbamù. Hwa mà kpèeyà wɔ̀ŋgɔ̀.

Lukàrzɛ̀ 8:34

Hwàŋga hwatò ema hwà mà hwɛ lì ɔ̀ŋgeyà iŋgi ŋgòwa hwa mà ɛ̀nɛ mamɛ ya arzɛ ema e ma gbèyɛ̀nɛ̀, rzìi hwa hwaŋgà. Nà òmà hwa mà tìmbe ò mbòwà, hwa mà wòteyà ò lì òhweyà hwatò hwa arzɛ nà mambòwà ema hwà mà kòmbɛ̀nɛ̀, mònò ŋmàŋgò.