Makòrzì 5:13 - Mokpwe: Bakwery (New Testament)

¹³ Yerzù à mà ŋgba hwèŋge hwèlìŋgɛ̀ hwe wòhwè wònjà ò lì kpèeyà iŋgi ŋgòwa, rzì hwe anjiya òŋgò mòtò o nyo, hwe ɛ̀ndɛ lì kpèeyà iŋgi ŋgòwa ema ì ma hwɛ Èya ya hwekòlì hwehwàkɛ. Rzìi iŋgi ŋgòwa ì hwaŋga ò lì rzihwa mòŋgò mòòlì natɛ̀ɛ, ì unda ò tenì ya yùlu ya malìhwa èma mà ma hwɛ ò rze ya mòŋgò mòòlì, rzi iŋgi ŋgòwa ì kùwa lì inda.

Makòrzì 5:13 Mawu Ofanana

Matiyò 7:6

O rzi wòwà hwèèmà hwe ama Lohwɛ̀ rzi ò ji ŋgbà iŋgba, èhwanja jò ò àyiŋgòwɛ̀lɛ̀lɛ̀ lì ò urzuweyà. O rzi hvimbeya hvɛ iŋgòwa ŋmɛ̀ɛ̀ŋgu mò aŋgɔ̀, èhwanja i jì làalà nà matàŋga mà awu.”

Matiyò 8:32

Yerzù rzìi à kaneyà hweŋge hwèlìŋgɛ̀ hwe wòhwe nanù ema, “È wurze” lìwòkìmɛnɛ rzɔ hweŋge hwèlìŋgɛ̀ hwe ma hwa wurza rzìi hwe kpèeyà wòŋgò gbàka wò ŋgòwa. Iŋgi ŋgòwa ja arzɛ rzìi ì hwaŋga lìhwaŋgi la mànyakà ò mbèmbè yà lìyòwà rzìi, i unda ò tenì yà yùlu ya malìhwa, ì kùwa lì indeya aŋga.

Makòrzì 5:12

Hwèŋge hwèlìŋgɛ̀ hwe wòhwe rzìi hwe rzòrzòmeya Yerzù nanù ema, “O jò òme, ì ɛ̀ndɛ ì kpèeyà iŋgi ŋgòwa.”

Makòrzì 5:14

Hwàŋga hwatò ema hwà mà hwɛ lì ɔ̀ŋgeyà iŋgi ŋgòwa hwa mà hwaŋga lì ɛ̀ndɛ lì òhweyà hwatò hwa è mbòwà nà è wɔ̀ hwa tòŋgòŋgò mamɛ e ma gbèyɛ̀nɛ̀. Hwàŋga hwatò hwa mà wurza ò lì ɛ̀ndɛ lì ɔ̀ŋgɔ mamɛ e gbèyɛ̀nɛ̀yi.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

1 Pètrò 3:22

Krirztò ema mɔ̀ à mà ɛndɛ ò ŋmanyu yà lohwà ndèŋganɛlɛ à lìyàyi ò ehvàrzu yà lìya là momɛ̀ là ama Lohwɛ̀, à kànèyà i aŋgèlì jà arzɛ, hwàkànèlì hwa arzɛ nà iŋginyà ja arzɛ ja ŋmanyu.

Hwèwulùwèlì 20:7

È hvonda ema iŋgi ikolì ja meya ja o aka, hwa o rzolowa Mòkarzɛ̀ o hwèwòwà.

Hwèwulùwèlì 9:11

È kìŋgɛ ema e hwa kànèyà e hwèlì ndi e aŋgèlì ema e ɔŋgeya eŋge ehvɔ̀ndi ema e rza ohvɛ lìrzùkù. Lìinà la eni o e mbɔrzi ya Hibrù lì hwèlì ndi Abàdɔ̀ni, ndèŋgànɛ̀lɛ̀ o e mbɔrzi ya Grììkì lì hwèlì ndi Apolìyɔ̀ni (jànda i hwèlì ndi nanù ema, mòtò ema a hvaŋga).