Makòrzì 4:35 - Mokpwe: Bakwery (New Testament)

³⁵ O wòŋgò wùnyà na òma e ŋgòmbe ya lohwà e ma ùke, Yerzù à mà òhweyà Hwà-òkòwèlì hwa eni nanù ema, “Inyɛ̀, je ɛ̀ndɛ o enɛyi èhvarzù ya Yulu.”

Makòrzì 4:35 Mawu Ofanana

Matiyò 14:22

Yerzù rzìi à òhweyà hwà-òkòwèlì hwa eni ema hwa kpèeyà ò wɔ̀lɔ̀ hwa ɛ̀ndɛ ò wòrzò ò ɛnɛyi èhvarzù yà yùlu, rzìi à òhweyà eŋge ŋgindi ò lì timba ò màndawò mà awu.

Matiyò 8:18

È hvònda ema Yerzù à mà ɛnɛ è ŋgìndì ema è mà mò tòŋga, rzìi à òhweyà hwà-òkòwèlì hwa eni nanù ema, hwa ɛndɛ ò ɛnɛyi èhvarzù yà yulu.

Makòrzì 5:21

È hvònda ema Yerzù à ma timbe lì kpèeyà ò wɔ̀lɔ̀ ò lì tìmba ò enɛyi èhvarzù ya yùlu, ŋgìndì ndɛnɛ è mà mò ambɛlɛlɛ aŋga.

Makòrzì 6:45

Lìwòkìmɛnɛ Yerzù à òhweyà hwà-òkòwèlì hwa eni ò lì kpèeyà ò wɔ̀lɔ̀, rzìi à hwa hvùŋgànìrzɛ̀ lì ɛ̀ndɛ ò wòrzò, ò mbòwà yà Bɛ̀trzàyìdà, ò ɛnɛyi èhvarzù yà yùlu yà malìhwa. Nà òmà hwà-òkòwèlì hwà mà hwɛ lì ɛ̀ndɛ, Yerzù rzìi à òhweyà è ŋgìndì ò lì tìmba ò màndawò ma awu.

Makòrzì 8:13

Rzìi à hwa lìya aŋga a tìmba ò tenì ya wɔ̀lɔ̀ wò ndɛ̀nɛ rzi a aka a ɛ̀ndɛ ò ɛnɛyi èhvarzù ya yùlu.

Lukàrzɛ̀ 8:22

Wùnyà wɔ̀kɔ, Yerzù à mà kpèeyà ò tenì yà wɔ̀lɔ̀ nà hwà-òkòwèlì hwa eni rzìi a òhwa nanù ema, “Je ɛ̀ndɛ, ja aka ò ɛnɛ̀yì èhvàrzù ya yùlù.” Rzìi hwa wòteyà lì ɛ̀ndɛ.

Lukàrzɛ̀ 8:25

Yerzù rzìi a ijòwa hwà-òkòwèlì hwa eni nanù ema, “O èŋgànɛ̀lɛ̀ e rza nò lòkɛ̀ e?” Hwa mà ònda nà wɔ̀ŋgɔ̀ nà hwètàmìrzèlì, rzìi hwa wòteya ò lì àyìjòwànɛ̀ mɔ̀kɔ nà ɔ̀nɛ̀yi nanù ema, “Ima nyayi yà mòtò ònò e? Èma à kànèyà è mbɛ̀hvɛ̀nì nà hwèmùnɛ̀ hwe malìhwa, rzìi hwe mò hweyànà e?”

Yòwanìrzɛ̀ 6:1

Ò mburzà yà hwenè hweyà Yerzù nà hwà-òkòwèlì hwa eni hwa mà aka ɔ̀nɛyi èhvàrzù yà yùlù yà Gàlìlì è mà e hwɛ̀lɛ̀hwɛ̀ yùlù yà Tìbɛ̀rìyàrzì.

Yòwanìrzɛ̀ 6:17

Hwà mà kpèeyà rzɔ ò wɔ̀lɔ̀, ò lì aka yùlu, hwà mà hwɛ ndi lì ɛndɛ ò èhvàrzù ya Kàpɛ̀nàwɔ̀mì. Jììtìtì i ma rzìhwa ema Yerzù a rzi uki èki ema hwà mà hwɛ.

Yòwanìrzɛ̀ 6:25

È hvònda ema hwaŋga hwatò hwa mà uke ò enɛyi èhvàrzù ya yùlu rzi hwa ɛnɛ Yerzù. Hwà mà mò ijòwa nanù ema, “Ìi Mòòkòlèlì, ima hvònda ò wa ò ùkelì anù e?”