Makòrzì 4:26 - Mokpwe: Bakwery (New Testament)

²⁶ Yerzù rzìi a òhwa hvɛ nanù ema, “Lìkànèyà là ama Lohwɛ̀ lì hwèlì ndi nàa mòtò ema a ɛndi lì mùŋgùlɛ̀ ì hvɔ̀ŋgɔ̀ ò waŋga.

Makòrzì 4:26 Mawu Ofanana

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:3

À mà hwa òkòlɛ̀ hweyà rzayì-rzayì nà meyànà. À mà hwa kpɛ̀ɛ̀yà ŋmàna nanù ema, “Mòònèlì wà mbòtà mɔ̀kɔ à mà hwɛ lì mùŋgùlɛ̀ ihvɔ̀ŋgɔ̀.

Matiyò 13:31

Yerzù à mà kpɛ̀ɛ̀yà eŋge ŋgindi mòhvɛhvɛ ŋmàna nanù ema, “Likànèyà là ŋmanyu lì hwèlì ndi nàa ŋmanà hvɔ̀ŋgɔ̀, ema mòtò a wòwi rzi a òni ò mòònda mò eni.

Matiyò 13:33

Yerzù rzìi a hwa kpɛ̀ɛyà hvɛ mònò ŋmàna nanù ema, “Lìkànèyà la ŋmanyu lì gbèyi ndi nàa èhwindi ema mòlanà a hvuŋguwani mèyɔnjɔ me hvìlawà meyawò natɛ̀ɛ me ita ò lì gbèyanɛhwɛ.”

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 4:17

Lìwòtèyà è hvònda ema Yerzù à mà ɛ̀ndɛ ò erzòòkà ya Galìlì, Yerzù à mà wòteyà lì òhwa Eyà yà Lohwà nanù ema, “È rzɔnjɛ̀lɛ̀ hwègbèèlì hwe anyu hwe wòhwe, èhwanja Likànèyà la ama Lohwɛ̀ lì ma kòmbɛ̀nɛ̀.”

Makòrzì 4:25

È mɔ̀ ema a òhvi lì rzɔ̀ŋgìtɛ̀nɛ̀ ò e wùndɛ̀ ya Lìkànèyà là ama Lohwɛ̀, Lohwɛ̀ à mò ŋgbà lì rzɔ̀ŋgìtɛ̀nɛ̀ lì kòki. Ndi è mɔ̀ ema a rza òhvɛ, Lohwɛ̀ à mò wòwànà tɔ̀ è teŋyi ema a òhvì.”

Makòrzì 4:27

À tìmba ò ndawò ya eni, a naŋga wuu, a tɛ̀mɛ̀ ŋmerze a gbeyà èwòlò ya eni. O èŋge hvònda, ì hvɔ̀ŋgɔ̀ ì hvùmùwà, ì òŋgà, ema a rza hwiyɛ nɛ e gbèyɛ̀nɛ̀yi.

Lukàrzɛ̀ 13:18

Yerzù rzìi a hwa ijòwa hvɛ nanù ema, “Nɛ lìkànèyà là àma Lohwɛ̀ lì tànɛyì lì hwɛ e? Ima nyayi yà èmɛ̀nɛ̀nì na tànɛyi lì li kìtìrzɛ̀nɛ̀ e?

Lukàrzɛ̀ 8:11

“Inyɛ̀ nà è tɛlɛlɛ mònò ŋmàna. Èŋge hvɔ̀ŋgɔ̀ è hwèlì ndi Eyà yà ama Lohwɛ̀.

Lukàrzɛ̀ 8:5

“Mòònèlì wà mbòtà mɔ̀kɔ à mà hwɛ lì mùŋgùlɛ̀ ihvɔ̀ŋgɔ̀. Nà òmà a mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, ò èŋgànɛ̀lɛ̀ na òma hwatò hwà mà akeyà aŋga hwà mà ji làalà. Hwènɔ̀nì hwe mà ji rzòmà.

Yòwanìrzɛ̀ 12:24

Nà e òhweyà e jɔ̀kɛ̀ nanù ema, hvɔ̀ŋgɔ̀ ya mbarzi e lìiya ndi èŋge hvɔ̀ŋgɔ̀ ya ahvɔ̀kɛ mɛnɛ natɛ̀ɛ e ònahwa ò mɔ̀nyɛ̀ rzìi e ŋwa. È ŋwelì tɛ èŋge hvònda ndi e ŋya i hvɔ̀ŋgɔ̀ ja mbarzi jɔ̀ɔjɔ̀ɔ.

Jèmìrzì 3:18

È hwèlì tɛ nanù ema hwàgbèèlì hwa ɛ̀yɔ̀lɛ̀ hwa gbeyà èwòlò ema e jànà ɛ̀yɔ̀lɛ̀ o ìtììtènì ja hwatò, eŋge e gbeyà hwatò hwa gbeyà hweyà ema Lohwɛ̀ a arza.