Makòrzì 4:24 - Mokpwe: Bakwery (New Testament)

²⁴ Yerzù rzìi a ɛ̀ndɛ hvɛ ò wòrzò lì òhwa nanù ema, “È lùtèyà kɔ̀yi-kɔ̀yi mamɛ ema e hweyà! Limɛnì ema e gbeyàna nà hwanɛ̀yi hwatò, lìŋgi lìmɛnì mɛnɛ ndi Lohwɛ̀ mɔ̀ hvɛ à ò gbeyà nà ò lì è mɛneya. Li aka tɔ̀ mamɛ ema e gbeyànì ò lì mɛneya hwanɛ̀yi hwatò.

Makòrzì 4:24 Mawu Ofanana

Matiyò 7:2

Nà òma è kàyìrzɛ̀ mòtò, nanù mɛnɛ hvɛ ndi Lohwɛ̀ à è kàyìrzɛ̀. Ndèŋgana, lìmɛni ema è gbeyànà ò lì kàyìrzɛ̀ hwahvɛhvɛ hwatò, lɔ̀hvɛ mɛnɛ ndi Lohwɛ̀ à gbeyànà lì è kàyìrzɛ̀.

Makòrzì 9:7

Lìwòkìmɛnɛ lìmbàkì lì mà hwa lìŋga rzìi hwa hweyà lìlò lì òhwà ò tenì yà lìmbàkì nanù ema, “È Ŋmanà wa ami wa ndiŋgɛ ya màlìŋgò ònò e mò hweyàne.”

Lukàrzɛ̀ 8:18

È aŋgòwà rzɔ nɛ e òkànèyà. Tɔ̀ njɛnɛ hvɛ ema a òhvi lì rzɔ̀ŋgìtɛ̀nɛ̀ lì hvòmɛ̀nɛ̀ ìwùndɛ̀ ja Lìkànèyà là ama Lohwɛ̀, Lohwɛ̀ à mò hwàteyà hvɛ lìhwiyè. Òŋgò hvɛ ema à rza òhvɛ̀ lìhwiyè, à wɔ̀lɛ̀nɛ̀ tɔ̀ èŋge tenyi ema a ɔŋgɛ̀lɛ̀yi nanù ema à òhvì.”

Yòwanìrzɛ̀ 10:16

Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.

Yòwanìrzɛ̀ 10:27

Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Hwègbèèlì 17:11

Hwàtò hwa wònyà Yudà ema hwà mà hwɛ ò mbòwa ndɛnɛ ya Bèrìyà hwà mà hwɛnɛ nyɔ̀ŋgi ya lì òkànèyà eyà ya Lohwà lì aka hwatò hwa e mbòwa ndɛnɛ ya Tɛ̀rzàlònìkà. Wùnyà tɛ wɔ̀ hwà mà hwɛ lì làŋga e kààtì ya ama Lohwà ò lì rzɔ̀ŋgìtɛ̀nɛ̀ na lì ɛnɛ ŋga hweyà ema Pàwolò na Rzàyilarzi hwà mà hwɛ lì òhwa hwe ma hwɛ ndi e jɔ̀kɛ̀.

2 Kɔ̀rintìyà 9:6

È rzi hvoŋga o lì hwiya nanù ema, tɔ̀ njɛnɛ ema a oni ndi teŋyi a o rzaŋga hvɛ ndi teŋyi, ndèŋgàna òŋgo hvɛ ema a oni hvèyi, mɔ̀ hvɛ à ò rzaŋga hvɛ ndi hvèyi.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

1 Pètrò 2:2

È aŋgàmɛ̀nɛ̀yi lì keka lì ana o lì luwa mòlelì mo èlìŋgɛ̀ ema mo rzàŋgi, nyayi hvɔ̀kɔ nàa mɛ̀ɛŋgɛ̀ me hwàna me èyeya mànyɔ̀ŋgɔ̀ ma màhwɛ, aŋga nanù, e lelì tɛ, e oŋga o lì luwa lìrzùŋgahwà lì anyu.

1 Yòwanìrzɛ̀ 4:1

Imbùnda jà ami kòkò, è rza lòkɛ̀ hwatò hwa arzɛ ema hwa ohwa nanù ema hwa ohvi Èlìŋgɛ̀ yà ama Lohwɛ̀. Ndi è hwa kèkìrzɛ̀ ò lì hwiyà ŋga èlìŋgɛ̀ ema è hwèlì ò tenì yà awu, è uwɛ̀lɛ̀lɛ̀yi ndi ò mà Lohwɛ̀. È hwa kèkìrzɛ̀ ehwànja rzayi-rzayi jà hwà-òhwèlì hwa hwèlìŋgɛ̀ hwe mòlàŋgà hwa mà bùweyà ò è rze yà arzɛ.