Makòrzì 4:17 - Mokpwe: Bakwery (New Testament)

¹⁷ Ndi eŋge Èya yà Lohwà è rza ònahwa ò mèèmà mè awu, ndi hwa è lòkɛ̀ ndi ò ŋmanà hvòkà wà hvònda mɛnɛ. Ò èŋgànɛ̀lɛ̀ rzɔ ìndùtù tɔ̀ mètàkà me jelì tɛ, hwa akòohwɛ̀ ò mburzà ò lìwòkìmɛ̀nɛ̀.

Makòrzì 4:17 Mawu Ofanana

Matiyò 11:6

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Matiyò 12:31

Nà è òhweyà ndi e jɔ̀kɛ̀ nanù ema, tɔ̀ ima wòhwe na ìrzìlàkò ema mòtò a gbèyi Lohwɛ̀ a ò mò làkìrzɛ̀, ndi tɔ̀ njɛnɛ ema a òhwi eyà ya wòhwe lì hvòmɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀.

Matiyò 13:21

Ndi Èya ya Lohwà e rza hwa rzɔ̀ŋgɔ ò mèèmà me awu, ndèŋgànà e rza kùwà mbɔ ò mèèmà me awu. O èŋgànɛ̀lɛ̀ rzɔ mòtàkà tɔ̀ mòhvùŋgu mò hwa jɛlɛlɛ tɛ lì hvòmɛ̀nɛ̀ mòŋgò ŋmɛ̀ndì mò ama Lohwɛ̀, wɔ̀ hwa rzɔnjɛ̀lɛ̀ ŋgelì hvɔ̀kɔ.

Makòrzì 4:16

Hwanɛ̀yi hvɛ nàa ìhvɔ̀ŋgɔ̀ ema jò undi ò èki yà hwèkɔ̀kɔ̀ hwe maŋyayi, è mà hwa hwèyì tɛ Eyà yà Lohwà lìwòkìmɛ̀nɛ̀ hwa è imànɛ̀lɛ̀ nà mɔ̀nyɛ̀ŋgì.

Makòrzì 4:18

Hwanɛ̀yi hwatò hvɛ hwa hwèlì ndi nàa ìhvɔ̀ŋgɔ̀ ema jò undà ò tenì ya hwènyɛ̀ŋgɛnyɛ̀ŋgɛ̀, hwa hwèlì ndi hwatò ema hwa hweyi Eyà ya Lohwà,

Lukàrzɛ̀ 12:10

Tɔ̀ ima mòtò ema à òhwi eyà ya wòhwe lì teŋgɛ̀nɛ̀ è Ŋmanà wà è Mòtò wà Hwènàmà, à ò làkìrzɛ̀hwɛ̀. Ndi è mɔ̀ ema à òhwi eyà ya wòhwe lì teŋgɛ̀nɛ̀ Èlìŋgɛ̀ yà Wòtani à rza làkìrzɛ̀hwɛ̀.

Yòwanìrzɛ̀ 8:31

Hwàŋga hwatò hwa Lohwà ema hwà mà lòkɛ̀ Yerzù mɔ̀ à mà hwa òhweyà nanù ema, “È alɛ̀mbɛnɛyi tɛ hwèyòkòlelì hwe ami, ò ma e hwèlì ndi Hwà-òkòwèlì hwa ami hwa jɔ̀kɛ̀.

Gàletìyà 6:12

Hwatò ema hwa hwèlì lì keka lì e nyàkìrzɛ̀ nanù ema e hwɛni lì endàhwà, hwa gbeyà ndi nanù o lì ayèkìrzɛ̀ aŋga nanù oma hwà mà luwa lìna la gbamù na hwatò hwa arzɛ. Wɔ̀ hwa oka wɔ̀ŋgɔ̀ nanù ema hwatò hwa o hwa tàkìrzɛ̀ nanù ema wɔ̀ hwa ohwa nanù ema e kpelì ema Yerzù a ŋwelɛlɛ o mbarza yɔ mɛnɛ ndi e gbeyà ema hwatò hwa o rzùŋgàhwa.

2 Tìmotì 1:15

Ò hwiye oma hwatò hwa arzɛ hwa ama Krirztò hwa mà nò rzɔ̀rzɔ̀ ò erzòòkà yà Èrzìyà. Hvìjɛ̀lùrzì nà Hɛ̀mòjɛ̀nìrzì wɔ̀ hvɛ hwa mà hwɛ ò mòndèŋgè mò hwatò ema hwa mà nò rzɔ̀rzɔ̀.

2 Tìmotì 4:10

Nà ohwa nanù èhwanja Dɛ̀màrzì à mà no kìnyɛ̀lɛ̀ èhwanja, mɔ̀ à mà ɛndɛ o mbowà yà Tɛ̀rzàlònìkà èhwanja a lìŋgàni lòŋgɛ la ene rze. Klɛrzɛnrzi à mà ɛndɛ o erzòokà ya Gàlerzìyà, Tàyìtùrzì mɔ̀hvɛ à mà ɛndɛ o mbowà ya Dàlmàtìyà.

2 Tìmotì 4:16

Tɔ̀ mòtò a rzi no tɛmeya o mburza e ŋgèlì ya worzo ema hwà mà no jàne o hwèkayirzelì. Hwatò hwa arzɛ hwà mà no rzɔ̀rzɔ̀. Nà kanɛ̀ nanù ema Lohwɛ̀ a hwa làkìrzɛ̀.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

1 Yòwanìrzɛ̀ 2:19

Ò jɔ̀kɛ̀ jɔ̀kɛ̀ hwaŋga hwatò hwa rzi hwɛ ò mòndèŋge mò arzu. Ɔndèŋgàtɛ̀ hwa mà jò akàkòwɛ̀. Wɔ̀ hwa mà hwɛ tɛ ò mòndèŋge mò arzu, oma hwa mà lìya nà irzɔ. Ndi lì akakowɛ là awu lì uŋmɛ̀lɛ̀ nanù ema ò jɔ̀kɛ̀ hwa rzi hwɛ ò mòndèŋge mò arzu.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.