Makòrzì 4:15 - Mokpwe: Bakwery (New Testament)

¹⁵ Lòŋgò là hwatò hwa gbèyi ndi nàa ì hvɔ̀ŋgɔ̀ ema ì mà unda ò njìya. Hwa hweyi tɛ Èya yà Lohwà lìwòkìmɛnɛ Mòkarzɛ̀ à jà à è ulɛ̀ ò mèèmà mè awu.

Makòrzì 4:15 Mawu Ofanana

Matiyò 13:19

Mòtò a hweyi tɛ ŋmɛ̀ndì mò lì hvòmɛ̀nɛ̀ lìkànèyà la ŋmanyu rzìi à rzi mò rzɔ̀ŋgìtɛ̀nɛ̀, Mòkarzɛ̀ a jà, rzìi à mò ulɛnɛ̀ è mɔ̀ ò ŋmèma mò eni. Lini lìtumba là hwatò lì gbe ndi nàa iŋgi hvɔ̀ŋgɔ̀ ema i ma unda ò njiya.

Matiyò 22:5

Ndi hwaŋga hwatò ema hwà mà yòhwɛhwɛ, wɔ̀ hwa rzi wòwe eŋge ndèma nàa tɔ̀ eyà. Wɔ̀ hwà mà ɛ̀ndɛ ndi ò lì gbeyà hwèwòlò hwe awu, lòŋgò ò i wàŋga ja awu, hwanɛyi hvɛ ò hwehvɛhvɛ hwèwòlò.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Makòrzì 4:14

È mùŋgùlèlì wà mbòtà mɔ̀ ndi à mùŋgùlɛ̀ɛ è mbɔrzi yà ama Lohwɛ̀.

Makòrzì 4:16

Hwanɛ̀yi hvɛ nàa ìhvɔ̀ŋgɔ̀ ema jò undi ò èki yà hwèkɔ̀kɔ̀ hwe maŋyayi, è mà hwa hwèyì tɛ Eyà yà Lohwà lìwòkìmɛ̀nɛ̀ hwa è imànɛ̀lɛ̀ nà mɔ̀nyɛ̀ŋgì.

Makòrzì 4:4

Nà òmà a mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, hwènɔ̀nì hwe mà ji rzòmà.

Lukàrzɛ̀ 8:12

Iŋgi hvɔ̀ŋgɔ̀ ema ì mà undìrzɛ̀hwɛ̀ ò njìya, ì tɛmelì ndi hwatò ema hwa hweyà Eyà yà Lohwà, ndi Mòkarzɛ̀ à jà rzìi à hwa ulɛnɛ̀ è yɔ̀ ò mèèmà mè awu, ò lì àrza nanù ema hwa rzì lòkɛ̀ Lohwɛ̀, nà ò lì arza hvɛ nanù ema hwa rzà rzùŋgàhwa.

Hwègbèèlì 17:32

È hvònda ema wɔ hwà mà hweye na òma Pàwolò a òhwa lì hvòmɛ̀nɛ̀ hwehvùmuwelì ò kpelì. Lòŋgò la awu hwà mà mò kikòwa ndi hwahvɛhvɛ hwà mà òhwa nanù ema, “Ja arza nanù ema ò jò òhweyà lì hvòmɛ̀nɛ̀ mònò ŋmɛ̀ndì hvɛ.”

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

2 Kɔ̀rintìyà 2:11

I hwɛni ndi lì gbeyà nanù, aŋga nanù Mòkarzɛ̀ a rza jo lukɛlɛ. Èhwanja e mo hwiyelì meyànò me eni.

2 Tɛ̀rzàlonìyà 2:9

È mòtò wa wòhwe a o jà na e ŋginyà ya ama Mòkarzɛ̀, a o gbèeyà hwèwòlò hwe mòlàŋga o lì uŋmɛ̀lɛ̀ iŋginyà ja eni, ndèŋgànɛlɛ a o gbeyà nyayi na nyayi ja hwèèmbànèlì na hweyà hwe mànyaka.

Hibrù 12:16

È àŋgàmɛ̀nɛ̀yi lì ɛnɛ nanù ema tɔ̀ mɔ̀kɔ wa anyu a rza hwɛnɛ lòŋgɛ la mòrzònje, ndèŋgàna e rzi gbeyà hweyà nàa hwatò ema hwa rza ohvɛ tɔ̀ eyà o lì gbeyà na Lohwɛ̀, nàa Èrzàwù à mà gbeye. Èrzàwù à mà àhwirzɛ̀ è wònjà ya eni nàa e molulu wa ŋmanà wa mùnyanà o nyòla lìhvurzu la mòlelì.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 20:7

È hvonda ema iŋgi ikolì ja meya ja o aka, hwa o rzolowa Mòkarzɛ̀ o hwèwòwà.