Makòrzì 3:35 - Mokpwe: Bakwery (New Testament)

³⁵ Tɔ̀ ima mɔ̀ ema à gbèyi lì emeyà la ama Lohwɛ̀, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Makòrzì 3:35 Mawu Ofanana

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Ɛ̀hvìrzìyà 6:6

È rzi hwa gbèeyà ndi lìrzakò mɛnɛ ema hwa ɛnɛ̀ ò lì arza nanù ema hwa yè eke. Ndi inyɔ nàa hwàkòmì hwa ama Krirztò nà oma è gbèeyà Lohwɛ̀ inyɛ è uwɛ̀lɛ̀lɛ̀yì natɛ̀ɛ nà ò tenì yà mèèmà mè anyu.

Hibrù 10:36

È hweni ndi o lì àjùlɛ̀, aŋga nanù e gbeyà ndi na oma Lohwɛ̀ a àrzeyà, ndèŋgàna inyɔ e lùwa mamɛ ema Lohwɛ̀ a kàkɛ̀nɛ̀ nanù ema e luwa.

Jèmìrzì 1:25

Ndi tɔ̀ njɛnɛ ema a ɔ̀ŋgɔ kɔ̀yi-kɔ̀yi e mbenda ya jɔ̀kɛ̀ ema e rzuŋga hwatò, ema a hwɛ ndi o lì e aŋgoweya, ema a rza hwɛ ndi o lì hweyà e mbenda mɛnɛ rzi a hvoŋga, ndi à hwɛ ndi mòtò ema a gbeyà mamɛ ema e mbenda e ohwa, oŋgo moto a o nàmìrzɛ̀hwɛ̀ na Lohwɛ̀ o mamɛ ya arzɛ ema mɔ̀ à gbeyà.

1 Pètrò 4:2

O ene ŋgànà rzɔ, lì wòteyà naŋgɛ lòŋgɛ la anyu la ene rze lì hwɛni ndi lì hwɛ na oma Lohwɛ̀ àrzeyà rzeketɛ ema hweyà hwe rze hwe a e kànèyà.

1 Yòwanìrzɛ̀ 2:17

Ène rze na tɔ̀ mamɛ ema e hwèlì o tenì ema hwatò hwa ohvi e nyɔ̀ŋgi o lì luwa ya aka lì aka, ndi tɔ̀ njɛnɛ ema a gbeyà lì emeyà la ama Lohwɛ̀, a o hwɛ o lòŋgɛ na Lohwɛ̀ natɛ̀ɛ na o gbìndèyà.