Makòrzì 3:23 - Mokpwe: Bakwery (New Testament)

²³ O èŋgànɛ̀lɛ̀ rzɔ Yerzù à ma hwa hwɛlɛ rzìi a hwa kpɛ̀ɛyà meyàna nanù ema, “Nɛ Mòkarzɛ̀ à tànɛyi lì hvayà Mòkarzɛ̀ e?

Makòrzì 3:23 Mawu Ofanana

Matiyò 13:3

À mà hwa òkòlɛ̀ hweyà rzayì-rzayì nà meyànà. À mà hwa kpɛ̀ɛ̀yà ŋmàna nanù ema, “Mòònèlì wà mbòtà mɔ̀kɔ à mà hwɛ lì mùŋgùlɛ̀ ihvɔ̀ŋgɔ̀.

Matiyò 13:34

Yerzù à mà hwɛ ndì lì gbeyàna meyàna ò lì òkòlɛ hwatò. O rzìi hwɛ tɔ̀ eyà tɔ̀ yɔ̀kɔ ema à mà hwa òkòlɛ e rzi hwɛ lì hwa kpɛ̀ɛyà ŋmàna.

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Makòrzì 12:1

Yerzù rzìi à wòteya lì hwa òhwìrzɛ̀nɛ̀ nà meyànà, a òhwa nanù ema, “Mòtò mɔ̀kɔ à mà òna è hvaya yà enì yà hwèhvùma ema hwa gbeyàna hwènyɔ̀ɔ̀nì. Oŋgò mòtò rzìi a kɔ e ŋgawò ò èŋge hvaya. À ma òŋga hvɛ lìyami ò lì mita hwèŋgè hwèhvùma, ò lì wurzirzɛ hwènyɔ̀ɔ̀nì. À mà òŋga hvɛ lìwòndò la ndɛkì ema hwatò hwà mà lìya ò lì hvayà hwenɔ̀ni. À mà aka hwatò ema hwà mà hwɛnɛ lì kahwa èŋge mbòtà nà mɔ̀, ndèŋgàna a ɛ̀ndɛ ò yɔ̀ndɔ̀.

Makòrzì 3:24

È hwèlì tɛ ema hwatò hwa èkòmè yɔ̀kɔ hwa akahwanɛ tɛ, ema hwa rzà òhwa eyà yɔ̀kɔ èŋge èkòmè e rzà tanɛ̀ lì tɛ̀mɛ̀.

Makòrzì 4:11

À mà hwa òhweyà nanù ema, “Lohwɛ̀ à è ŋgbèlì è wònjà ò lì hwiyà è wùndɛ̀ yà Lìkànèyà la ama Lohwɛ̀. Ndi ò hwanɛ̀yi hwatò Lohwɛ̀ à hwa gbèyi ò lì hwiyà hwenè hweyà ò meyànà mɛ̀nɛ̀.

Makòrzì 4:2

À mà hwa òkòlɛ̀ hweyà rzayì-rzayì nà meyànà. À mà hwa kpɛ̀ɛ̀yà ŋmàna nanù ema,