Makòrzì 3:17 - Mokpwe: Bakwery (New Testament)

¹⁷ Jèmìrzì nà ŋmanyàŋgò wà èni Yòwanìrzɛ̀, hwàànà hwa ama Rzɛ̀bɛ̀dì (e ma Yerzù a mà kpɛ̀ɛ̀ lìinà àma Bòwànègèrzì, jànda ì hwèlì ndi hwààna hwa e ŋgàlà lohwà).

Makòrzì 3:17 Mawu Ofanana

Matiyò 4:21

Nà òma hwa mà rzùrzùhweya ò wòrzò, Yerzù rzi à ɛnɛ hvɛ hwahvɛhvɛ hwàna hwa wunyanà hwahwàkɛ, hwa nyàŋgò hvɔ̀kɔ Jèmìrzì nà ŋmanyàŋgò wà eni Yòwanìrzɛ̀. Hwa mà hwɛ ò tenì yà wɔ̀lɔ̀ wɔ̀kɔ nà è rzàŋgò yà awu Rzɛ̀bɛ̀dì hwa mà hwɛ lì rzɛ̀ŋgɛnɛ imbunja ja awu. Yerzù rzìi à hwɛlɛ hwaŋga hwàna hwa wunyanà hwàhwàkɛ̀ ema hwa mò nɔŋge.

Makòrzì 10:35

O mburzà nanù Jèmìrzì nà Yòwanìrzɛ̀, hwàànà hwa wunyanà hwa ama Rzɛ̀bɛ̀dì hwa mà jèeyà Yerzù. Hwa mò òhweyà nanù ama, “Ìi Mòòkòlèlì ò hwèlì eyà ema ja arza nanù ema ò jò gbèeyà.”

Makòrzì 14:33

À mà wòwa Pètrò, Jèmìrzì nà Yòwanìrzɛ̀ ò lì ɛ̀ndɛ lì kànɛ̀. À mà hwɛnɛ ndùtù nà mòtàkà ò ŋmèma mò eni.

Makòrzì 3:16

Lìŋgi lìyòmɛ la hwatò nà hwàhwàkɛ̀ hwa mà hwɛ ndi: Rzìmɔ̀nì ema Yerzù a mà kpɛ̀ɛ̀ lìinà Pètrò;

Makòrzì 3:18

Àndèlè, Hvìlìpì, Bàtòlomìyò, Màtìyò, Tɔ̀màrzì, Jèmìrzì è ŋmanà wà àma Alìhvɔ̀rzì, Tàdìyòrzɛ̀, Rzìmɔ̀nì mòtò ema lì emeyà la eni lì rza àyèŋgòwɛ̀,

Makòrzì 5:37

Yerzù a rzi arze ema tɔ̀ mòtò a mò nɔ̀ŋge, lì aka tɛ, Pètrò, Jèmìrzì, na Yòwanìrzɛ̀, Jèmìrzì ŋmanyàŋgò wa eni.

Makòrzì 9:2

O mburzà mèènyà mòtòhwa, Yerzù à mà ɛ̀ndɛ nà Pètrò, Jèmìrzì nà Yòwanìrzɛ̀ rzìi a hwa tìmba ò lì agba ò ŋmanyu yà hvàko ema è kàrzamì. Hwà mà hwɛ aŋga wɔ̀ hwìti. Yerzù à mà ayèŋgòwɛ̀ ò wòrzò wò awu.

Lukàrzɛ̀ 9:54

È hvònda ema Hwà-òkòwèlì hwa eni, Jèmìrzì nà Yòwanìrzɛ̀ hwà mà ɛnɛ nanù, rzìi hwa ijòwa Yerzù nanù ema, “Rzàŋgò, ò arza ema ì yòhwɛ mùùnya ò ŋmanyu yà Lohwà ò lì hvaŋgà hwanù hwatò e?”

Yòwanìrzɛ̀ 21:2

Rzìmɔ̀nì Pètrò, Tɔ̀màrzi (e mɔ̀ hwà mà hwɛlɛ Mayɛrzɛ), Nàtaniyɛlì (ema à mà uwɛ̀lɛ̀lɛ̀yi ò mbòwà yà Kèna ò erzòòkà ya Galìlì), hwàànà hwa ama Rzɛ̀bɛ̀dì, na hwahvɛhvɛ Hwà-òkòwèlì hwahwakɛ hwa ama Yerzù hwà mà arzaŋganɛ wɔ̀ hwa arzɛ èki yɔ̀kɔ.

Hwègbèèlì 12:1

O ene hvònda ɔ̀ndi kiŋgɛ̀ Hɛ̀rɔ̀dì à mà wòteya lì tàkìrzɛ̀ lòŋgò la hwatò hwa ŋmèmba.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

Hwèwulùwèlì 10:11

Rzìi nà ohwahwɛlɛ hvɛ nanù ema, “O aŋgàmɛnɛyi lì ohwa lì hvomɛ̀nɛ̀ hweyà ema hwe o gbèyɛ̀nɛ o rzayi-rzayi ja hwèkòmè, nyayi na nyayi ja hwatò, nyayi na nyayi ja mbɔrzi na rzayi-rzayi ja kiŋgɛ̀.”