Makòrzì 2:28 - Mokpwe: Bakwery (New Testament)

²⁸ O èŋgànɛlɛ rzɔ, è Ŋmanà wà è Mòtò wà Hwènàmà, a òhvi wònjà ò lì kànèyà hvɛ tɔ̀ Wùùnyà wò lì Arzìyòlɛ̀.”

Makòrzì 2:28 Mawu Ofanana

Matiyò 12:8

È hwɛni lì hwiya nanù ema, è Ŋmanà wà è Mòtò wà Hwènàmà à hwɛni wònja tɔ̀ ò ŋmanyu ya Wùnya wò lì Arzìyòlɛ̀.”

Makòrzì 2:27

O lìrzukù Yerzù rziì a hwa òhweyà nanù ema, “Lohwɛ̀ à mà lòma lì weka è mòtò, ndèŋgàna a ika menya mò lì Arzìyòlɛ̀. À rzi lòmè lì ika Wùùnyà wò lì Arzìyòlɛ̀ ndèŋgànà a e weka è mòtò.

Makòrzì 3:1

O ehvɛhvɛ hvònda Yerzù à mà kpèeyà ò ndawò yà màkanɛ̀ yà wònyà Yudà. O mà hwɛ munyanà mɔ̀kɔ aŋga ema à ma ɔ̀kirzɛ̀ mɔ̀ɔ̀ mò njɛmbu.

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Lukàrzɛ̀ 6:5

Yerzù rzìi a hwa òhweyà hvɛ nanù ema, “È Ŋmanà wà e Mòtò wà Hwènàmà à hwɛnì hvɛ wònjà yà lì kàneya ò Wùnyà wò lì Arzìyòlɛ̀.”

Yòwanìrzɛ̀ 5:17

Yerzù rzìi a hwa alàhwɛ̀ nanù ema, “Tatɛ̀ wa ami a gbeyà èwòlò hvònda tɛ, imbahvɛ na àŋgàmɛ̀nɛ̀yi lì gbeyà èwòlò.”

Yòwanìrzɛ̀ 9:14

Wùùnyà ema Yerzù à mà gbeyàne marzanja ò lì mò wɔ̀wìrzɛ̀ wò ma hwɛ ndi Wùnya wò lì Arzìyòlɛ̀.

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Ɛ̀hvìrzìyà 1:22

Lohwɛ̀ à mà ika hweyà hwe arzɛ ò rze yà lìkànèyà là ama Krirztò. À mò ŋgbèlì hvɛ wònjà ò lì kànèyà hweyà hwe arzɛ, ndèŋgàna mɔ̀ ndi à hwèlì mòòhvò mò lì arzàŋganɛ là hwatò hwa Lohwà.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.