Makòrzì 2:25 - Mokpwe: Bakwery (New Testament)

²⁵ Yerzù à mà hwa alàhwɛ̀ nanù ema, “È rzi làŋgi ò Kààtì ya Lohwà mamɛ ema Kìŋgɛ Dàhwitì à mà gbèyè na hwatò hwa eni e hvònda ema hwa mà hweye è njàwò hwa rzi òhvɛ mòlèlì e?

Makòrzì 2:25 Mawu Ofanana

Matiyò 19:4

Yerzù rzìi à hwa timbirzɛlɛlɛ nanù ema, “È rzìi laŋgì ò è kààtì yà Lohwà nanù ema natɛ̀ɛ nà ò hwèwòtèlì Lohwɛ̀ à mà hwa wèka wɔ̀ munyanà nà mòlanà e?

Matiyò 21:16

Hwanù hwàkànèlì rzi hwa ijòwa Yerzù nanù ema, “Rzeke ò hwèya mamɛ ema hwanù hwàna hwa òhwa e?” Yerzù rzi a hwa alàhwɛ̀ nanù ema, “Ɛ̀ɛ na hweyi. Inyɔ e rzi laŋgi na òma e tìlahwì ò kààtì ya Lohwà nanù ema, ‘A ma wòmba hwàna na ŋmɛ̀ɛŋgɛ ò lì mò ŋgba jeka ja gbamù e?’”

Matiyò 21:42

Yerzù rzi a hwa òhweyà nanù ema, “È rzi laŋgi ò èki ema Èya ya Lohwà e òhwa nanù ema, ‘Lìnyayi ema hwà-òŋgèlì hwà mà hvake na yòma ya ŋgundu, lì ɔ̀ndi lì ma timbɛ lìŋyàyi ema lì endàhwàwɛlɛ. È Rzàŋgò ndi à mà gbeyà ene eyà. Ndèŋgànɛ̀lɛ̀ e hwèlì mànyakà ò mirzɔ̀ ma arzu.’

Matiyò 22:31

Ndi, ò lì hvòmɛ̀nɛ̀ hwèhvùmùwelì hwe kpelì, inyɔ è rzìi laŋgi mamɛ Lohwɛ̀ à mà è òhweyà e?

Matiyò 4:2

Yerzù à mà lìya mòkìyà njàwò ò tenì yà mènìmènì mè mèenyà. Ò mburzà eŋge hvònda à mà hwèyà njàwò.

Makòrzì 12:20

O nàŋgɛ rzɔ, ò ma hwɛ lìrzamba la hwàna hwa wunyanà, hwa nyàŋgò hvɔ̀kɔ. È ŋmanà wa wòrzò à mà ŋwa, ndi mɔ̀ nà e jòjìyɛ̀ yà eni hwa rzi ŋya tɔ̀ ŋmanà.

Makòrzì 12:26

Nàŋgɛ rzɔ lì hvòmɛ̀nɛ̀ Hwehvùmuwelì hwe kpelì. È rzi laŋgi ò kààtì yà ama Mòrzè ehvarzù ema è òhwa lì hvòmɛ̀nɛ̀ è ŋmanà gbèe ema è mà rzèeyà e? Àŋga è tìlàhwì nanù ema nà òmà Lohwɛ̀ à mà hwɛ lì òhwìrzɛ̀nɛ̀ Mòrzè lì hvòmɛ̀nɛ̀ Abràhamù, Irzàkì, nà Jèkɔ̀bu ema hwa mà ŋwɛ̀ɛ̀, Lohwɛ̀ à mà òhwa nanù ema, ‘Imba ndi nà hwèlì Lòohwà là ama Abràhamù, Irzàkì nà Jèkɔ̀bù.’

Makòrzì 2:24

Ihvàlìrzàyì rziì jì ijòwa Yerzù nanù ema, “Ɔ̀ŋgɔ tɛ! Mamɛ ndeŋgàtɛ hwà-òkòwèlì hwa aŋgɔ hwa gbeyà eyà ema è mbenda e rzà ŋgbèlɛ wònjà ò lì gbeyà ò Wùnya wò lì Arzìyòlɛ e?”

Makòrzì 2:26

Mɔ̀ à mà ɛ̀ndɛ ò Ndawò yà Lohwà, è hvònda ema Abìyatà a mà hwɛ è Pìlìrzì e kàrzàmi. À mà làa hwèhvòòtò ema hwe ma hwɛ làhweyà la ama Lohwɛ̀. Ndi è mbenda yà àrzu è rza ŋgbèlì tɔ̀ mòtò tɔ̀ mɔ̀kɔ wònjà ò lì làa hwèŋge hwèhvòòtò lì aka tɛ Ipìlìrzì. Kiŋgɛ̀ Dàhwitì mɔ̀ ŋmìti à mà hwe làa, natɛ̀ɛ à mà ŋgba hvɛ hwatò ema hwà mà hwɛ nà mɔ̀.”

Lukàrzɛ̀ 10:26

Yerzù rzìi a mò alàhwɛ̀ nanù ema, “Nɛ e tìlahwì ò kààtì yà mbenda, mamɛ ò làŋgì ò tenì e?”