Makòrzì 2:20 - Mokpwe: Bakwery (New Testament)

²⁰ Ndi o ò ja wùnyà ema hwa ò hwa wòwàna e mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Makòrzì 2:20 Mawu Ofanana

Matiyò 26:31

Nà òma hwà mà uke ò ŋmanyu ya mòòlì, Yerzù rzìi a òhweyà hwà-òkòwèlì hwa eni nanù ema, “O wònò wuu mɛnɛ, inyɔ hwa arzɛ e ò hwaŋga ò lì nò lìya. È ò hwaŋga èhwanja ò mamɛ ema e ò nò gbèyɛ̀nɛ. È tìlahwì ò kààtì ya Lohwà nanù ema, ‘Nà ò òŋwa e mɔɔŋgelì wa mɛ̀lɛ̀ŋgù ndèŋgànà mɛ̀ɛlɛ̀ŋgù me arzɛ me ò wuhweyà.

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Makòrzì 2:19

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa, hwà tànɛyi lì lìya mòkìyà njàwò, wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi!

Makòrzì 2:21

Mòtò à rzèeyà tɛ mbɔti, à rza wòwà èhvàhve ya lìhwatù lì hvènya ò lì rzèeyànà e mbòlòwa yà mbɔti. Èhwanja èŋge èhvàhve ya lìŋgi lìhwàtù lì hvènya lì wòtèlì tɛ lì nyàhweyà, lì nyààwà hvɛ èŋge mbòlòwa yà lìhwàtù. Ò ma lìŋgi lìhvɔ̀ndi lì ma teyama lì akà lìmɛ̀nì.

Lukàrzɛ̀ 17:22

Yerzù rzìi a òhweyà hwà-òkòwèlì hwa eni hvɛ nanù ema, “È hvònda è hwèlì e jà ema jò ò lìŋgànà lì ɛnɛ tɔ̀ wùnyà wɔ̀kɔ ema è Ŋmanà wà è Mòtò wà Hwènàmà a jò àwuŋmɛ̀lɛ mɔ̀ ŋmìti, ndi è rza wò ɛnɛ.

Lukàrzɛ̀ 5:35

Jàyɛ̀ hwa rzà tànɛ̀yi! Ndi o ò ja wùnyà ema hwa ò hwa wòwàna e mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.”

Yòwanìrzɛ̀ 12:8

Mèlìrza mè hwatò hwa hwèlì nà inyɔ hvònda tɛ, ndi imba nà rza hwɛ nà inyɔ hvònda tɛ.”

Yòwanìrzɛ̀ 13:33

Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Hwègbèèlì 1:9

Ò mburza hvònda ema à mà òhwe nanù, rzìi Lohwɛ̀ à gbeyà à ɛndɛ ò ŋmanyu yà lohwà. Nà òma wɔ̀ hwa mà hwɛ lì mò ɔ̀ŋgɔ, lìmbaki rzi lì mò lìŋgà ò eŋgànɛ̀lɛ̀ hwa rzi mò ɛnɛ hvɛ.

Hwègbèèlì 14:23

O tɔ̀ ima ŋmèmba ema wɔ̀ hwà mà uke, wɔ̀ hwà mà hwɛ lì hvɔ̀rzɔ̀ hwatò ema hwa ò timbàa ŋmèmba mò arzɛ. È hvònda ema hwà mà kànɛ̀ na lì hwɛ ò mòkìyà njàwò, hwà mà ŋgba hwaŋga hwàtimbèlì ò màà mà ama Rzàŋgò ema wɔ̀ hwa ika lìlòkɛ̀ la awu.

Hwègbèèlì 3:21

Yerzù a lòma lì lìya hvɔni ò ŋmanyu yà lohwà natɛ̀ɛ e hvònda e ɔlɛ ema Lohwɛ̀ a tikòwa hweyà hwe arzɛ rzi hwe timba hwe hvènya. Nànù ndi Lohwɛ̀ à mà gbeye natɛ̀ɛ na e kòhwa nanù ema hwà-òhwèlì hwa hwèlìŋgɛ̀ hwa Wòtani hwa òhweyà hwatò.

1 Kɔ̀rintìyà 7:5

Inyɔ ema e hwàahwì, e rzìi a imànɛ̀yi mɔ̀kɔ na ɔ̀nɛyi, o lìnɔ̀ŋgɔ, e hwɛ ndi nanù ema inyɔ ya ahweyànɛlɛ nanù ema, e gbeyà ndi nanù o ŋmàna hvòkà wà hvondà, aŋga nanù ya aŋgbɛ̀ɛ inyɔ hwiti o Màkànɛ. O mburzà ya nanù, e timbe e hwɛ ndi na oma e ma lome lì hwɛ, aŋga nanù Mòkarzɛ̀ à rza e kèkirzɛ, o lì ɛ̀ndɛ o mòrzònje.

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

2 Kɔ̀rintìyà 11:27

Nà ma gbeyà rzayi-rzayi ja hwèwòlò hwe ŋginyà, rzayi-rzayi ja ŋgèlì hvɛ nà mà lìya na hwehvɛnyɛ. Marzako hvɛ na rzi luwe tɔ̀ yoma ya lì laa tɔ̀ e yɔ la lì nyɔ, na rzi hwɛnɛ hvɛ tɔ̀ e hvolo ya lì laa mòlelì. Manɛyi marzako hvɛ yùululì ya ŋginyà e ma no kpeya o nyo ema na rza ohvɛ tɔ̀ yoma ya lì wɔtɔ̀.

2 Kɔ̀rintìyà 6:5

Ima ananahwa, ima ikahwa o hwèwòwà, ŋgindi e ma jo urzuweyà. I ma gbeyà èwòlò ema ye eti, i ma lìya ehvɛ̀nyɛ̀ na njàwò.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”