Makòrzì 2:18 - Mokpwe: Bakwery (New Testament)

¹⁸ Hvònda hvɔ̀kɔ hwà-òkòwèlì hwa ama Yòwanìrzɛ̀ è Mòlùhwìrzèlì nà hwà-òkòwèlì hwa Ihvàlìrzàyì hwa mà hwɛ ò mòkìyà njàwò. Lòŋgò la hwatò rziì hwa jèeyà Yerzù ò lì mò ijòwà nanù ema, “Mamɛ ndèŋgàtɛ̀ hwà-òkòwèlì hwa ama Yòwanìrzɛ̀ è Mòlùhwìrzèlì nà hwà-òkòwèlì hwa ì Hvàlìrzàyì hwa lìyà mòkìyà njàwò, ndi è hwa aŋgɔ hwa rzà lìya mòkìyà njàwò e?”

Makòrzì 2:18 Mawu Ofanana

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 6:18

È gbèyi tɛ nanù, hwatò hwa rza ayèmbɛ ema è hwèlì ò mòkìyà njàwò. Lì aka tɛ Lohwɛ̀, Tatɛ̀ wà anyu mɛnɛ ema tɔ̀ mòtò à rza ɛnɛ. Mɔ̀ à ɛnɛ hweyà hwe arzɛ ema è gbeyà ò jututa, ndèŋgànɛ̀lɛ̀ mɔ̀ ndi à hwèlì è mɔ̀ ema à è rzaweyà.”

Makòrzì 2:19

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa, hwà tànɛyi lì lìya mòkìyà njàwò, wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi!

Lukàrzɛ̀ 18:12

Nà lìya mòkìyà njàwò ŋgèlì ihwàkɛ ò menya lìrzàmba. Ndèŋgàna, nà ò ŋgbà lòŋgò lɔ̀kɔ la tɔ̀ ima lìyòmɛ̀ ema na lu.’

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.