Makòrzì 16:9 - Mokpwe: Bakwery (New Testament)

⁹ Nà òmà Yerzù a mà hvùmùwè ò èŋge elele ya wùnyà wò wòrzò wò wiki, à mà lòma ndi lì awuŋmɛ̀lɛ̀ Màlìyɛ̀ Màdalenà. Ònò mòlanà mɔ̀ ndì Yerzù a mà hvaye hwèlìŋgɛ̀ lìrzàmbà hwe wòhwe ò nyò ya eni. Hwàŋga hwalanà rzìi hwa ɛ̀ndɛ lì òhweyà Pètrò nà hwatò ema hwà mà hwɛ nà mɔ̀ hweyà hwe arzɛ ema hwa mà, òhwahwɛlɛ, hwa mà utulɛ è mbɔrzi.

Makòrzì 16:9 Mawu Ofanana

Matiyò 27:56

Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Jòrzɛ̀hvù, nà è jòjìyɛ̀ yà ama Rzɛ̀bɛ̀dì hwa mà hwɛ ò ìtììtènì jà hwaŋga hwalanà.

Makòrzì 15:40

Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Makòrzì 15:47

Màlìyɛ̀ mà Màdàlènì nà Màlìyɛ̀ è nyàŋgò ya ama Jorzɛ̀rzì hwà mà injàneyà rzi hwa ɛnɛ èki ema hwà mà imeya Yerzù.

Makòrzì 16:8

Hwàŋga hwalanà hwa mà lɛmbeya mòkambiya rzìi hwa òhva hvɛ hwètamirzelì ò hweyà hwe mànyakà ema hwà mà ɛnɛ. Hwà mà wurza ò tenì ya èŋge rzɔ̀ŋgɔ̀ rzìi hwa òba ò lì hwaŋgi. Mònyòlìnyòlì mò ma hwa lɛmbɛ, hwa rzi òhweyà tɔ̀ mòtò tɔ̀ èya.

Lukàrzɛ̀ 24:10

Màlìyɛ̀ Màdalenà, Yòwanà, Màlìyɛ̀ ema à ma ŋya Jèmìrzì, nà hwanɛ̀yi hwalanà, wɔ̀ ndi hwà mà òhweyà I àpɔ̀rzìtòlò hwene hweyà.

Lukàrzɛ̀ 8:2

Lòŋgò la hwalanà ema hwà mà òhva hwèlìŋgɛ̀ hwe wòhwe, nà hwanɛ̀yi ema hwà mà òhva mehvɛhvɛ mèrziyò, ema mɔ̀ à mà wɔ̀wìrzɛ̀, wɔ̀ hvɛ hwa mà hwɛ nà mɔ̀. Hwanù hwalanà hwa mà hwɛ ndi, Màlìyɛ̀ ema à mà hwɛ̀lɛ̀hwɛ̀ Màdalenà, ema Yerzù a mà hvaye hwèlìŋgɛ̀ lìrzàmba hwe wòhwe ò nyò yà èni,

Yòwanìrzɛ̀ 20:12

Rzìi à ɛnɛ aŋgèlì ihwàkɛ i wɔ̀ti mbɔ̀mi, wɔ̀ ndi hwa lìyayi èki ema èèmbè ya ama Yerzù e ma nàŋgɛlɛhwɛ, mɔ̀kɔ ò èki ya mòhvò, ɔ̀nɛyi hvɛ ò èki ya mataŋga.

Hwègbèèlì 20:7

Ŋgombe hvɔ̀kɔ ya rzàtelì, irzɔ hwa arzɛ i ma arzàŋgànɛlɛ èki yɔ̀kɔ ò lì laa ò lì uŋmɛ̀lɛ̀ e ndìŋgɛ ya ama e Rzàŋgò. Pàwolò à mà wòteyà lì òhwirzɛnɛ hwatò, a hwa òhwirzɛnɛ natɛ̀ɛ na ò e kɔrzi ya wuu, èhwanja mɔ̀ à mà hwɛnɛ lì endɛ ò enɛyi eka ya elele.

1 Kɔ̀rintìyà 16:2

Tɔ̀ ima eyu ya Màrzo Lìrzàmba tɔ̀ ima mɔ̀ wa anyu a ulɛ ŋmanà wolì a ute. Wono wolì wo hwɛ ndi o mamɛ ema tɔ̀ ima mòtò a lu. È gbèyi tɛ nanù o rza hwɛ hvɛ mòrzàŋgèlì mo wòlì nà jelì tɛ.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.