Makòrzì 16:6 - Mokpwe: Bakwery (New Testament)

⁶ Èŋge mbèrza rzìi e hwa òhweyà nanù ema, “È rza òka tɔ̀ wɔ̀ŋgɔ̀. Nà hwi nanù ema e àrza ndi Yerzù e mòtò wa Nàrzàrɛ̀tì, ema hwà mà wòmeya ò mbarza. Mɔ̀ à mà hvùmùwà! À rza enje anù. È ɔ̀ŋgɔ tɛ èki ema hwa mà mò nàŋgɛlɛ.

Makòrzì 16:6 Mawu Ofanana

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Makòrzì 1:24

“Jìyeyi! Ìi Yerzù wà Nàrzàrɛ̀tì, mamɛ ò jò àrzàna e? Ò jelì ndi lì jò hvàŋga e? Nà hwi njɛnɛ ò hwèlì, ò hwèlì ndi è mɔ̀ ema Lohwɛ̀ à òmi, ema à Tàni.”

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 10:34

Wɔ̀ wò ò mò kùwa nà lì mò rzɔ̀yeya hweyɔ̀lì ò nyò ya eni, hwa mò gbiyɛ hvònji rzìi hwa mò òŋwa. O mburzà mèenyà meyawò à ò hvùmùwà.”

Makòrzì 14:33

À mà wòwa Pètrò, Jèmìrzì nà Yòwanìrzɛ̀ ò lì ɛ̀ndɛ lì kànɛ̀. À mà hwɛnɛ ndùtù nà mòtàkà ò ŋmèma mò eni.

Makòrzì 9:15

Nà òmà hwaŋga hwatò hwa arzɛ hwà mà ɛnɛ Yerzù, hwa mà tàmà rzayì-rzayì rzìi hwa hwaŋga lì ɛ̀ndɛ lì mò kɔmɔ̀.

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 4:10

inyɔ hwatò hwa arzɛ hwa Irzàyɛ̀lì e hwiye rzɔ ndi nanù ema, ònò mòtò ema a e tɛmelì ò wòrzò à mà wɔ̀wìrzɛ̀hwɛ ndi na e ŋginyà ema e hwèlì ò lìna la ama Yerzù Krirztò, mòtò wa Nàrzàrɛ̀tì. È ma wòmeyà ò mbarza, ndi Lohwɛ̀ à mà mò hvùmùlɛ ò kpelì.