Makòrzì 16:5 - Mokpwe: Bakwery (New Testament)

⁵ Nà òmà hwà mà àyinɛ̀lɛ̀ ò tenì ya èŋge rzɔ̀ŋgɔ̀, rzìi hwa ùŋmanɛlɛ mbèrza yɔ ndi è wɔti mòŋgòmbè, mò mbɔmi, e lìyayi ò èhvarzù ya mɔ̀ mò mòmɛ̀ la èŋge rzɔ̀ŋgɔ̀. Wɔ̀ hwa mà lɛmbeya wɔ̀ŋgɔ̀ wò ndɛnɛ̀.

Makòrzì 16:5 Mawu Ofanana

Matiyò 28:3

Wòrzò wò ama eŋge aŋgèlì wò ma hvaya ndi nàa lìŋmɛ̀tiŋmɛ̀ti, lìwɔtì la eni hvɛ lì ma ɛneya ndi rzìlìhwà.

Makòrzì 1:27

Hwatò hwa arzɛ hwa mà tàmeya enè eyà rzayì-rzayì, rzìi hwa ijòwànɛ mɔ̀kɔ nà ɔnɛ̀yi nanù ema, “Ima tumba eyà ène! Hwèyòkòlelì hwe hvènya hwe ene e? Ònò mòtò à hwɛnì ŋginyà ò lì kànja hwèlìŋgɛ̀ hwe wòhwe natɛ̀ɛ hwe mò hweyànà!”

Makòrzì 14:33

À mà wòwa Pètrò, Jèmìrzì nà Yòwanìrzɛ̀ ò lì ɛ̀ndɛ lì kànɛ̀. À mà hwɛnɛ ndùtù nà mòtàkà ò ŋmèma mò eni.

Makòrzì 16:4

Ndi nà òmà hwà mà karzɛ mìirzɔ̀ ò lì inja èŋge rzɔ̀ŋgɔ̀, rzìi hwa ɛnɛ nanù ema lìŋgi lìyayi lì ndɛnɛ ema lì ma òlòwa, lì ma iŋgòlɛhwɛ ɔ̀nɛyi.

Makòrzì 9:15

Nà òmà hwaŋga hwatò hwa arzɛ hwà mà ɛnɛ Yerzù, hwa mà tàmà rzayì-rzayì rzìi hwa hwaŋga lì ɛ̀ndɛ lì mò kɔmɔ̀.

Lukàrzɛ̀ 1:12

Nà òmà Rzàkàriyà a mà ɛnɛ è aŋgèlì à mà tàmà, rzìi wɔ̀ɔŋgɔ̀ wò mò lɛ̀mbɛ̀.

Yòwanìrzɛ̀ 20:8

Rzìi ɔ̀nɛyi mòòkòwèlì ema à mà lòma lì uka ò rzɔ̀ŋgɔ̀ mɔ̀ hvɛ à mà kpeya ò tenì, à mà ɛnɛ hweŋge hwema rzìi a lòkɛ̀.