Makòrzì 16:16 - Mokpwe: Bakwery (New Testament)

¹⁶ Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Makòrzì 16:16 Mawu Ofanana

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Makòrzì 1:15

“È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Lukàrzɛ̀ 8:12

Iŋgi hvɔ̀ŋgɔ̀ ema ì mà undìrzɛ̀hwɛ̀ ò njìya, ì tɛmelì ndi hwatò ema hwa hweyà Eyà yà Lohwà, ndi Mòkarzɛ̀ à jà rzìi à hwa ulɛnɛ̀ è yɔ̀ ò mèèmà mè awu, ò lì àrza nanù ema hwa rzì lòkɛ̀ Lohwɛ̀, nà ò lì arza hvɛ nanù ema hwa rzà rzùŋgàhwa.

Yòwanìrzɛ̀ 20:31

Ndi hwenè hweyà hwe tìlahwì aŋga nanù e lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà Lohwà. O mò lòkɛ̀yì tɛ o ò luwa lòŋgɛ la gbìndèyà ò lìna la eni.

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:29

Yerzù rzìi a hwa alàhwɛ̀ nanù ema, “Èya ema Lohwɛ̀ a arza ema e gbeye e hwèlì ndi nanù ema e nò lòkɛ̀ imba ema mɔ̀ à òmi.”

Yòwanìrzɛ̀ 6:35

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 8:24

Nà ma e òhweyà ema e hwɛnì lì ŋwèeyà ò wòhwe wò anyu, e hwèlì tɛ ema e rza lòkɛ̀ tɛ ema imba na hwèlì ndi e mɔ̀ ema na òhwi nanù ema na hwèlì. Ò jɔ̀kɛ̀ inyɔ e ò ŋwaànà wòhwe wò anyu.”

Hwègbèèlì 10:43

Hwà-òhwèlì hwa hwèlìŋgɛ̀ hwa arzɛ hwa kòhwa hwà ma òhwa lì mò hvòmɛ̀nɛ̀, nanù ema tɔ̀ ima mòtò ema a mò lòkɛ̀yì, Lohwɛ̀ à làkìrzɛ̀ wòhwe wò eni. Ène eyà e ò gbèyɛ̀nɛ ò e ŋginyà ya lìinà la eni.”

Hwègbèèlì 13:39

Ndeŋgànɛ̀lɛ̀ inyɔ e hwiye nanù ema, tɔ̀ ima mòtò ema a mò lòkɛ̀yi Lohwɛ̀ a mò emeyà ò wòrzò wò eni nàa mòtò ema a hwèlì ehve-ehve. Imbenda ja ama Mòrzè i rzi tanɛyi lì mò gbeyà nanù ema Lohwɛ̀ a mò emeyà.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”

Ròmànì 3:6

Jàyɛ̀ rzeketɛ nanù. È ma hwɛ tɛ nanù ema hwèkàyìrzèlèlì hwe ama Lohwɛ̀ hwe hwɛni lùurzè, nɛ rzɔ mɔ̀ à tànɛyi lì kàyìrzɛ̀ e rze e?

Ròmànì 4:24

Ène mbɔrzi e jò hvòmɛ̀nɛ̀ irzɔ hvɛ. Lohwɛ̀ a ò jò emeyà irzɔ hvɛ ema i lòkɛ̀ nàa hwatò ema hwa tɛmi ehve-ehve, mɔ̀ ema à mà hvùmùlɛ̀ e Rzàŋgò ya arzu Yerzù Krirztò, ò kpelì.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

2 Tɛ̀rzàlonìyà 2:12

È mbàko e o hwɛ ndi nanù ema, hwatò hwa arzɛ ema hwa rzi lòkɛ̀yi e jɔ̀kɛ̀, ndi hwa tɛ̀yirzɛ̀ o lì gbeyà hweyà hwe wòhwe, Lohwɛ̀ a o hwa kɔ̀kìrzɛ̀.

1 Pètrò 1:21

Krirztò a gbèyi inyɔ e ma lòkɛ̀ Lohwɛ̀. È tanɛyi lì lokɛ Lohwɛ̀ na lì ika mèèmà me anyu me arzɛ na mɔ̀ èhwanja mɔ̀ à mà hvùmùlɛ̀ Krirztò o kpelì na lì uŋmɛ̀lɛ̀ èluhwe ya ama Krirztò.

1 Pètrò 3:21

Ndeŋgànɛ̀lɛ̀ manù malìhwà mà tɛmelì ndi lìlùhwìrzɛ̀. O naŋgɛ, lìŋgi lìlùhwìrzɛ̀ lɔ ndi lì gbèyi ɔ̀ndeŋgàtɛ̀ hwatò hwa rzùŋgahwì o lì akeyà na e ŋginyà ya hwèhvùmuwèlì hwe ama Yerzù Krirztò. Lìlùhwìrzɛ̀ lì rza enje ndi o lì ulɛ la ŋmiŋgo ò nyo, ndi lì hwèlì ndi o lì emeyà o lì gbèeyà Lohwɛ̀ na ŋmèma mo rzàŋgi.

Hwèwulùwèlì 20:15

Tɔ̀ njɛnɛ ema lìinà là eni lì rzi tìlahwɛ ò tenì yà è kààtì yà lòŋgɛ, à ò hvìmbàhwà ò tenì yà yùlu yà mùnya.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”