Makòrzì 16:14 - Mokpwe: Bakwery (New Testament)

¹⁴ O mburzà ya èŋge hvònda, Yerzù rzìi a wurzeya lìyòmɛ̀ la eni la Hwà-òkòwèlì nà mɔ̀kɔ, ò è hvònda ya awu ya hwèlèèlì. Wɔ̀ hwa rzi lòkɛ̀ hwaŋga hwatò ema hwà mà òhwa ema hwa mò ɛni ò mburzà hwè hvùmùwèlì hwa eni. O èŋgànɛ̀lɛ̀ à mà hwa kanja ema hwa rza òhvi lìlòkɛ̀ ndèŋgàna mèèmà me awu me eti.

Makòrzì 16:14 Mawu Ofanana

Matiyò 11:20

Hwatò ema hwa ma hwɛ ò màmbowà ema Yerzù à mà gbeeya hweyà hwe mànyakà rzayi-rzayi wɔ̀ hwa rzìi kìnyɛ̀lɛ̀ wòhwe wò awu. O èŋgànɛ̀lɛ̀ rzɔ Yerzù à mà wòteya lì hwa kanja,

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 28:17

Nà òma hwà mà mò ɛnɛ hwà mà mò kanɛ̀ tɔ̀ nɛ lòŋgò hwa rzi lòkɛ nanù ema mɔ̀ ŋmitɛ-ŋmitɛ òŋgò.

Makòrzì 7:18

Yerzù rzìi a hwa òhweyà nanù ema, “Inyɔ hvɛ è rza rzɔ̀ŋgìtɛ̀nɛ̀ e? È rza ɛni nanù ema tɔ̀ ima yomà ema e kpèèlì mòtò rzìi e wurza, e rza mò gbeyà ema a hwɛ mbìndò ò wòrzò wò ama Lohwɛ̀ e?

Lukàrzɛ̀ 24:11

Iŋgi Àpɔ̀rzìtòlò ì rzi lòkɛ̀ hwaŋga hwalanà. Hwa mà òhwa nanù ema hwaŋga hwalanà hwa òhwa ndi èchɔlɔ ya mbɔrzi.

Lukàrzɛ̀ 24:25

Yerzù à mà hwa timbirzɛlɛlɛ nanù ema, “È hwèlì ndi mɛ̀lɔ̀kɔ̀rzɔ̀ me hwatò. È rza tànɛyi lì lòkɛ̀ mamɛ Hwà-òhwèlì hwa Hwèlìŋgɛ̀ hwa kòhwaa hwa mà òhwe!

Yòwanìrzɛ̀ 20:25

È hvònda à mà je hwanɛ̀yi Hwà-òkòwèlì hwa mò òhweyà nanù ema, “Irzɔ ima ɛnɛ Rzàŋgò Yerzù.” Tɔ̀màrzì rzìi a hwa òhweyà nanù ema, “Nàtɛ̀ɛ na ɛnɛ hwèŋge hwetɛndɛ hwe merziŋge ò màà mà eni, rzìi na ika hwèyɔ̀nɔ̀ hwe ami ò hweŋge hwetɛndɛ, rzìi na ika hvɛ màà mà ami ò tòŋgòŋgò ya luuŋga la eni, na rza lòkɛ̀.”

Yòwanìrzɛ̀ 20:26

Menya hwàmbi hvɛ me ma ùke, Hwà-òkòwèlì hwa ama Yerzù hwà mà arzàŋganɛ hvɛ ò tenì ya ndawò. Tɔ̀màrzì mɔ̀ hvɛ à mà hwɛ na wɔ̀. Liyòhva lì ma umbawa ndi Yerzù à mà hwa wurzeya rzìi a tɛ̀mɛ̀ ò ìtììtènì ja awu. Rzìi à hwa òhweyà nanù ema, “Ɛ̀yɔ̀lɛ̀ e hwɛ na inyɔ.”

Yòwanìrzɛ̀ 20:27

Rzìi à òhweyà Tɔ̀màrzì nanù ema, “Ika jɔ̀nɔ ja aŋgɔ ò hwene hwetɛndɛ anù. O ɔ̀ŋgɔ màà mà ami, rzìi wòwa màà mà aŋgɔ ò òkànèyà e tòŋgòŋgò ya lùuŋga la amì. O rzìi hwɛ òŋgò ema a rza lòkɛ̀yi, ò hwɛ ndi òŋgò ema a lòkɛ̀yi.”

Yòwanìrzɛ̀ 21:1

O mburzà hwenè hweyà hwe arzɛ, Yerzù à mà wurzeya Hwà-òkòwèlì hwa eni hvɛ ò mòkòkò mò yulu ya Tibɛlìya. Nànù ndi e ma gbèyɛ̀nɛ,

Yòwanìrzɛ̀ 21:14

Ène ŋgèlì ndi e ma ùkirzɛ̀ ŋgèlì iyàwò ema Yerzù à mà wurzeya Hwà-òkòwèlì hwa eni ò mburza ya hwèhvùmùwèlì hwe eni.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

1 Kɔ̀rintìyà 15:5

Nànù hvɛ ema à mà wurzeya Pètrò, na lìnɛyi Lìyomɛ̀ la eni la Hwà-òkòwèlì na hwahwàkɛ.

Hwèwulùwèlì 3:19

Nà kanja na lì kɔ̀kìrzɛ̀ hwaŋga ema na lìŋgàni. O eŋgànɛlɛ rzɔ̀ e hwɛnɛ e nyɔ̀ŋgi o lì ayèŋgowɛ̀ o wòhwe wo anyu.