Makòrzì 16:10 - Mokpwe: Bakwery (New Testament)

¹⁰ Ònò mòlanà a mà ɛ̀ndɛ lì òhweyà hwaŋga hwatò ema hwà mà hwɛ lì hwɛ nà Yerzù ì hvònda ja arzɛ. A ma hwa ùŋmanɛlɛ hwa mò ɛhwɛ nà lì ahvahvɛ ò e kpelì ya eni. O mburzà yà hwenè hweyà Yerzù mɔ̀ ŋmìti à ma òma hwatò ò rze ya arze ò lì òhwa Ŋmɛ̀ndì mò Gbamù. Mòŋgò Ŋmɛ̀ndì mò Gbamù mò Wòtani ema mò rza ayèŋgòwɛ̀, mòŋgò Ŋmɛ̀ndì mò Gbamù mò hwèlì ndi lì hvòmɛ̀nɛ̀ lòŋgɛ la gbìndèyà.]

Makòrzì 16:10 Mawu Ofanana

Matiyò 19:22

Nà òma eŋge erzɔmbɛ ya èwàŋgì e ma hweye nanù, rzìi a ɛ̀ndɛ na ŋmèma mò rzɔ̀luu èhwanja à mà hwɛ ndi èwàŋgì ndɛnɛ.

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Makòrzì 14:72

Lìwòkìmɛnɛ è mòmɛ̀ wà wuhwa à tòŋga è ŋgèlì ema è mà ùkirzɛ̀ ihwàkɛ. Rzìi Pètrò à ɔ̀ŋgɛ̀lɛ̀ è mbɔrzi Yerzù à mà mò òhweyà nanù ema, “Ndèŋgana è mòme wà wuhwa à è tòŋga ŋgèlì ihwàkɛ, o ò nò rzɔ̀rzɔ̀ ŋgèlì iyàwò.” Rzìi Pètrò à wùmɛ̀nɛ̀ lùwa à wòteya lì eyaa.

Lukàrzɛ̀ 24:17

Yerzù rzìi a hwa ijòwa nanù ema, “Ì ma nyàyi yà mèndèŋgà menè e tuhwa nanù ò njiya e?” Hwa mà tɛ̀mɛ̀ tòlòlòlò rzìi hwa nyùkɛ marzò.

Yòwanìrzɛ̀ 16:6

È òndi na ndùtù èhwanja na e òhwèlì hwenè hweyà.

Yòwanìrzɛ̀ 20:18

Rzìi Màlìyɛ̀ Màdalenà à mà tìmba lì òhweyà Hwà-òkòwèlì nanù ema à mà ɛnɛ e Rzàŋgò, rzìi a hwa nɔ̀ŋgeyà hweyà hwe arzɛ ema Yerzù à mà mò òhweyà.