Makòrzì 15:46 - Mokpwe: Bakwery (New Testament)

⁴⁶ Jòrzɛ̀hvù rzìi à anda mbɔ̀mi yà lìhwàtù. À rzìhwìrzɛ̀ èŋge èèmbè yà ama Yerzù. À lìŋgɛ̀lɛ̀ èŋge èèmbè nà lìŋgi lìhwàtù, rzìi à naŋgɛlɛ èŋge èèmbè yà ama Yerzù ò tenì yà rzɔ̀ŋgɔ̀ ema è mà hvòmàhwà ò tenì yà lìŋyayì. À mà kulɛ̀ rzìi à iŋgòlɛ lìŋyayi lì ndɛ̀ɛ̀ndɛ̀ ò lì umba hwèkpèèlì hwe èŋge rzɔ̀ŋgɔ̀.

Makòrzì 15:46 Mawu Ofanana

Matiyò 28:2

Lìwòkìmɛ̀nɛ̀ ò ma hwɛ mònyìŋgìrzɛ̀nɛ̀ mò ndɛnɛ e aŋgèlì ya ama Rzàŋgò e ma uwɛ̀lɛ̀lɛ̀ ò ŋmanyu yà lohwà rzìi e jà e iŋgòlɛ lìŋgi lìŋyàyi ema lì mò umba eŋge wàna ya eŋge rzɔ̀ŋgɔ̀ rzìi a lì lìya ò ŋmanyu.

Makòrzì 15:45

Nà òmà Pìlatò à mà hweyànè òŋgò ŋmanèlì wa njùma ema Yerzù à mà ŋwa, rzìi a ŋgba wònjà ema Jòrzɛ̀hvù a wòwe èhwèmbè ya ama Yerzù.

Makòrzì 15:47

Màlìyɛ̀ mà Màdàlènì nà Màlìyɛ̀ è nyàŋgò ya ama Jorzɛ̀rzì hwà mà injàneyà rzi hwa ɛnɛ èki ema hwà mà imeya Yerzù.

Lukàrzɛ̀ 23:53

À mà rzìhwìrzɛ̀ èèmbè yà ama Yerzù ò mbarza. À mà lìŋgɛ̀lɛ̀ èŋge èèmbè nà mààtù ema mà wàmi, rzìi à è nàŋgɛlɛ ò rzɔ̀ŋgɔ̀. Èŋge rzɔ̀ŋgɔ̀ ema è rzi gbeyànɛhwɛ̀yi tɔ̀ wùnyà, è mà hvòkòwahwa ndi ò èkɔ̀kɔ̀ yà lìŋyayì.

Yòwanìrzɛ̀ 11:38

Yerzù à mà wukumeya ŋmèma hvɛ. O èŋgànɛ̀lɛ̀ à mà ɛndɛ ò rzɔ̀ŋgɔ̀. Èŋge rzɔ̀ŋgɔ e ma hwɛ ndi rzɔ̀ŋgɔ ema e ma hvòkòwahwa ò lìŋyàyi. Hwèkpèèlì hwe ma umbahwa ndi na lìŋyàyi.

Yòwanìrzɛ̀ 11:41

O èŋgànɛ̀lɛ̀ hwaŋga hwatò hwà mà iŋgòlɛ lìŋgi lìŋyàyi ò lì ulɛhwɛ ò hwèkpèèlì hwe eŋge rzɔ̀ŋgɔ. Yerzù rzìi a ɔ̀ŋgɔ ò ŋmanyu yà lohwà rzìi a òhwa nanù ema, “Tatà na èki na òma ò nò alahwànɛ̀yi màkanɛ̀ mà ami.

Yòwanìrzɛ̀ 20:1

O ekpààrzɛ̀ yà èlèlè ya Rzɔ̀ɔ̀ndì òma jììtìtì i hwèlì nanù mɛnɛ, Màlìyɛ̀ Màdàlènì à mà ɛ̀ndɛ ò rzɔ̀ŋgɔ̀ ema Yerzù à mà imàhwɛlɛ. Nà òma à mà uke aŋga rzìi a ɛnɛ nanù ema lìŋyàyi ema hwà mà hwandane hwèkpèèlì hwe rzɔ̀ŋgɔ̀ lì ma ulɛ̀hwɛ.