Makòrzì 15:45 - Mokpwe: Bakwery (New Testament)

⁴⁵ Nà òmà Pìlatò à mà hweyànè òŋgò ŋmanèlì wa njùma ema Yerzù à mà ŋwa, rzìi a ŋgba wònjà ema Jòrzɛ̀hvù a wòwe èhwèmbè ya ama Yerzù.

Makòrzì 15:45 Mawu Ofanana

Matiyò 27:58

À ma ɛ̀ndɛ ò ma Pìlatò ema a mò ŋgbe e wònja ò lì wòwa ŋmìimbà mò ama Yerzù. Pìlatò rzìi a ŋgba e wònja nanù ema hwa mò ŋgbe ŋmìimbà mò ama Yerzù.

Makòrzì 15:39

Oŋgò ŋmànèlì wa njùma ema à ma tɛ̀mɛ̀ aŋga ò wòrzò wa ama Yerzù, à mà òkànèyà lùwa, rzìi a ɛnɛ hvɛ lì undɛ̀nɛ̀ la ama Yerzù, à mà òhwa nanù ema, “Nà e jɔ̀kɛ̀ ònò munyanà à mà hwɛ ndi è Ŋmanà wà ama Lohwɛ̀!”

Makòrzì 15:44

Pìlatò à ma tàmà ò lì hwèya ema Yerzù à mà màa lì undɛ̀nɛ̀. À mà yòhwɛ òŋgò ŋmanèlì mò ndɛnɛ wà njùma rzìi a mò ijòwa ŋgà Yerzù à mà undɛ̀nɛ̀.

Makòrzì 15:46

Jòrzɛ̀hvù rzìi à anda mbɔ̀mi yà lìhwàtù. À rzìhwìrzɛ̀ èŋge èèmbè yà ama Yerzù. À lìŋgɛ̀lɛ̀ èŋge èèmbè nà lìŋgi lìhwàtù, rzìi à naŋgɛlɛ èŋge èèmbè yà ama Yerzù ò tenì yà rzɔ̀ŋgɔ̀ ema è mà hvòmàhwà ò tenì yà lìŋyayì. À mà kulɛ̀ rzìi à iŋgòlɛ lìŋyayi lì ndɛ̀ɛ̀ndɛ̀ ò lì umba hwèkpèèlì hwe èŋge rzɔ̀ŋgɔ̀.

Yòwanìrzɛ̀ 19:38

Ò mburza yà nanù, Jòrzɛ̀hvù ema à mà uwɛ̀lɛ̀lɛ̀yi ò mbòwa yà Àrìmàtìyà à mà òhweyà Pìlatò nanù ema à mò ŋgbe wònja ò lì wòwa èèmbè yà ama Yerzù. Jòrzɛ̀hvù à mà hwɛ ndi mòòkòwèlì wà ama Yerzù ndi à rza àwùŋmɛ̀lɛ̀ mɔ̀ ŋmìti èhwanja à mà òka hwatò hwa wònyà Yudà wɔ̀ŋgɔ̀. Pìlatò à mà mò ŋgbà è wònjà ò lì wòwa èèmbè yà ama Yerzù. Ò èŋgànɛ̀lɛ̀ à mà ɛndɛ lì wòwa èèmbè yà ama Yerzù.