Makòrzì 15:43 - Mokpwe: Bakwery (New Testament)

⁴³ Jòrzɛ̀hvù ema à mà hwɛ ndi mòtò wà è mbòwà ya Àrìmàtìyà mòtò mɔ̀kɔ wà èluhwe wà è ndawò ya hwèkànelì, ema mɔ̀ hvɛ ŋmìti à ma hwɛ lì ambɛlɛlɛ e hvònda yà hwejèelì hwe Likànèyà la ama Lohwɛ̀, à mà ɛ̀ndɛ lì ùŋmanɛ̀lɛ Pìlatò gbeye-gbeye ò lì mò ijòwa èhwembè ya ama Yerzù.

Makòrzì 15:43 Mawu Ofanana

Matiyò 19:30

Ndi rzayì-rzayì naŋgɛ ema hwa hwèlì ò wòrzò wɔ̀ ndi hwa ò lìiya ò mburza, rzayi-rzayi hvɛ ema hwa lìyelì ò mburza wɔ̀ ndi hwa ò hwɛ ò wòrzò.”

Matiyò 20:16

Yerzù rzìi a umbana mòŋgò ŋmàna ò lì òhwa nanù ema, ‘O èŋgànɛ̀lɛ̀ rzɔ, e mɔ̀ ema a hwèlì ò mburza, mɔ̀ ndi à ò hwɛ ò wòrzò, e mɔ̀ hvɛ ema a hwèlì ò wòrzò mɔ̀ ndi à ò hwɛ ò mburza.’”

Matiyò 27:57

Nà òma ehwàna mòkò è mà uke rzìi èwàŋgì yà mòtò yɔ̀kɔ ema è mà uhwɛlɛlɛ ò mbòwa ndɛnɛ yà Àrìmàtìyà rzìi è jà. Lìinà là eni lì mà hwɛ ndi Jòrzɛ̀hvù, mɔ̀ hvɛ à mà hwɛ ndi mɔ̀kɔ ema à mà nɔ̀ŋgɔ Yerzù.

Makòrzì 14:54

Nà òmà hwa mà ɛ̀ndɛ̀nɛ̀ Yerzù, Pètrò mɔ̀ hvɛ à mò nɔ̀ŋgɔ ò ŋmanà hvòkà, natɛ̀ɛ hwa kpèeyà ò èwòka yà ama è Pìlìrzì è kàrzàmi. À mà lìya aŋga nà hwà-ɔ̀ŋgèlì hwa è Ndawò yà Lohwà, rzìi hwa atòwɛ mùùnya.

Makòrzì 15:44

Pìlatò à ma tàmà ò lì hwèya ema Yerzù à mà màa lì undɛ̀nɛ̀. À mà yòhwɛ òŋgò ŋmanèlì mò ndɛnɛ wà njùma rzìi a mò ijòwa ŋgà Yerzù à mà undɛ̀nɛ̀.

Lukàrzɛ̀ 2:25

O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.

Lukàrzɛ̀ 2:38

Nà òmà Jòrzɛ̀hvù nà Màlìyɛ̀ hwa mà jànè è ŋmanà ò Ndawò yà Lohwà, Anà hvɛ à mà hwɛ aŋga. O wòtɛmɛ̀tɛmɛ̀, rzìi a ŋgbà Lohwɛ̀ jèka, nà lì òhweyà hwatò hwa arzɛ lì hvòmɛ̀nɛ̀ òŋgò ŋmanà. Hwàŋga hwatò ndi hwa mà hwɛ lì ambɛ̀lɛ̀ è hvònda ema Lohwɛ̀ a oŋgìrzɛ̀ è mbòwà yà Jèrurzalɛ̀mù.

Lukàrzɛ̀ 23:50

Ò mà hwɛ mùnyanà mɔ̀kɔ ema à ma hwɛ̀lɛ̀hwɛ̀ Jòrzɛ̀hvù wà è mbòwà yà Àrìmàtìyà. À mà hwɛ ndi mɔ̀kɔ wà lìkànèyà lì kàrzàmi, là wònyà Yudà.

Lukàrzɛ̀ 23:51

Ò nò mòtò à rzi lìŋgànè è mbàkò nà hwègbèèlì hwe hwanɛ̀yi hwàtimbèlì nanù ema hwa òŋwe Yerzù. Mɔ̀ hvɛ à mà hwɛ lì ambɛ̀lɛ̀ Lìkànèyà lì ama Lohwɛ̀.

Yòwanìrzɛ̀ 19:38

Ò mburza yà nanù, Jòrzɛ̀hvù ema à mà uwɛ̀lɛ̀lɛ̀yi ò mbòwa yà Àrìmàtìyà à mà òhweyà Pìlatò nanù ema à mò ŋgbe wònja ò lì wòwa èèmbè yà ama Yerzù. Jòrzɛ̀hvù à mà hwɛ ndi mòòkòwèlì wà ama Yerzù ndi à rza àwùŋmɛ̀lɛ̀ mɔ̀ ŋmìti èhwanja à mà òka hwatò hwa wònyà Yudà wɔ̀ŋgɔ̀. Pìlatò à mà mò ŋgbà è wònjà ò lì wòwa èèmbè yà ama Yerzù. Ò èŋgànɛ̀lɛ̀ à mà ɛndɛ lì wòwa èèmbè yà ama Yerzù.

Hwègbèèlì 13:50

Ndi wònyà Yudà hwà mà umbɛlɛlɛ hwàtimbelì hwa e mbòwa, na hwàmbaki hwa hwàalanà ema hwà mà hwɛ lì gbèeya Lohwɛ̀. Hwanu hwatò rzɔ hwà mà jàneyà Pàwolò na Bànàbàrzì lùwànje rzìi hwa hwà hvaya ò erzòòkà ya awu.

Hwègbèèlì 17:12

O eŋgànɛ̀lɛ̀ rzɔ, rzayi-rzayi ja hwatò hwà mà lòkɛ̀. Ndeŋgana rzayi-rzayi ja hwalana hwa wònya Grìki ema hwà mà karzɛhwɛ na èluhwe, na rzayi-rzayi ja wunyanà hwa wònya Grìki wɔ hvɛ hwà mà lòkɛ̀.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.