Makòrzì 15:21 - Mokpwe: Bakwery (New Testament)

²¹ È hvònda hwa mà hwɛ lì ɛ̀ndɛ, hwa mà ùŋmanɛ̀lɛ mòtò mɔ̀kɔ à ma uhwɛlɛlɛ ò mbòwà ya Rzilìni, hwa mà mò hwɛlɛ ndi Rzìmɔ̀nì. Rzìmɔ̀nì à mà hwɛ ndi è rzàŋgò yà ama Àlɛ̀rzanda na Lùhvɔ̀rzì. Rzìmɔ̀nì à mà hwɛ lì aka ò lì kpèeyà ò mbòwà, rzìi hwa mò lɛ̀mbɛ, hwa mò kànèyà ò lì hwanɛ̀ è mbàrza yà ama Yerzù.

Makòrzì 15:21 Mawu Ofanana

Matiyò 27:32

Nà òma hwà mà wurze lì ɛ̀ndɛ rzìi hwa taneya mòtò mɔ̀kɔ ema à mà uhwɛlɛlɛ ò mbòwa ya Rzilenì ema à ma hwɛ̀lɛ̀hwɛ̀ Rzìmɔ̀nì. Hwà mà mò tìnɛlɛ ò lì hwanɛ̀ è mbarza ya ama Yerzù na lì mò nɔ̀ŋgɔ ò mburza.

Matiyò 5:41

Mòtò à inyàmɛnɛ tɛ ema ò ɛ̀ndɛ nà mɔ̀ hvòka yà mayelì mɔ̀kɔ, ò ɛ̀ndɛ nà mɔ̀ mayelì mahwakɛ.

Makòrzì 15:20

È hvònda hwa mà kulɛ lì mò kùwa, hwa ulɛ mòŋgò mòŋgòmbè ò nyò yà èni rzìi hwa mò wɔ̀tìrzɛ̀ lìhwàtù la eni. Rzìi hwa mò wòwa ò lì ɛ̀ndɛ lì mò wòmeyà ò mbarza.

Lukàrzɛ̀ 14:27

Tɔ̀ njɛnɛ hvɛ ema a rza hwanɛ̀yi è mbarzà yà èni, ò lì nò oŋgàmà, à rza tanɛ̀, lì hwɛ è mòòkòwèlì wà amì.

Lukàrzɛ̀ 23:26

Hwaànèlì hwa njùma hwa mà tìmba Yerzù, ò èki ema hwa hvànɛ hwatò. Hwa mà taneya Rzìmɔ̀nì, mùnyanà wà è mbòwà yà Rzelìni. Hwa mà mò hvɔɔtɔ̀, rzìi hwa mò hwànirzɛ è mbarza yà ama Yerzù. À mà hwànɛ è mbarza, rzìi a òŋgama Yerzù ò mburzà.

Yòwanìrzɛ̀ 19:17

Yerzù ŋmitɛ-ŋmitɛ à mà hwanɛ̀ e mbarza rzìi a e ɛ̀ndɛnɛ èki ema e hwɛ̀lɛ̀hwɛ̀, nanù ema, “Èki ya ekeke ya mèyòhvò” eŋge èki e hwɛ̀lɛ̀hwɛ̀ ndi Gòlgotà ò mbɔrzi ya Hibrù.

Hwègbèèlì 11:20

Ndi tɔ̀ nanù, lòŋgò la hwàlòkèlì ema hwà mà uwɛ̀lɛ̀lɛ̀yi ò mbòwa ya Rzàyìprɔ̀rzì na Rzìlènè, hwà mà ɛ̀ndɛ ò mbòwà ya Antìyɔ̀kì, hwà mà hwɛ lì òhweyà hvɛ hwatò hwa Grìki, na ò lì hwa òhweyà ŋmɛ̀ndì mò gbamù lì hvòmɛ̀nɛ̀ e Rzàŋgò Yerzù.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Hwègbèèlì 2:10

ò hwèkòmè hwe Hvrìgìyà na Pàmhvilìya, ò èkòmè ya Ìjiptò na lòŋgò la hwèhvàrzù ò èkòmè ya Lìbiya, ò tòŋgòŋgò ya Rzirènè, lòŋgò la hwa irzɔ jò uwɛ̀lɛ̀lɛ̀yi ndi ò mbòwa ya Ròmànì.

Hwègbèèlì 6:9

Ndi lòŋgò la hwatò hwà mà wòteyà lì tɔ̀wɔ na mɔ̀. Hwàŋga hwatò hwà mà hwɛ ndi hwatò ema hwà mà uwɛ̀lɛ̀lɛ̀yi ò e ŋgindi ya hwatò ema hwɛ lì ɛndɛ ò e ndawò ya màkànɛ ŋgɛ̀lɛŋgɛlɛ ema e ma hwɛ̀lɛ̀hwɛ̀ ndi e ndawò ya màkanɛ̀ ya hwàkòmì ema hwa rza enje hwàkòmì hvɛ. Hwàŋga hwatò hwà mà hwɛ ndi hwa wònyà Yudà ema hwà mà uwɛ̀lɛ̀lɛ̀yi ò mambòwà mà Rzìrènè na Alɛ̀rzàndrìyà. Wɔ̀ na hwahvɛhvɛ hwatò hwa wònyà Yudà ema hwà mà uwɛ̀lɛ̀lɛ̀yi ò hwèrzòòkà hwe Rzìlirzìyà na Èrzìyà, wɔ̀ hwà mà wòteyà lì tɔ̀wɔ na Rzìtehvànɛ.

Ròmànì 16:13

È nò kɔmèya Lùhvɔ̀rzì, ema e Rzàŋgò e hvɔ̀rzì ò lì mò gbèeyà, e kɔmè hvɛ e nyàŋgò ya eni, ema mɔ̀ à nò wò ndi nàa e ŋmanà wa eni.