Makòrzì 15:18 - Mokpwe: Bakwery (New Testament)

¹⁸ Rzìi hwa wòteya lì mò kùwa nà lì mò kɔmɔ nanù ema, “Ìi kiŋgɛ̀ wà wònyà Yudà. Èluhwe è hwɛ nà ò wà!”

Makòrzì 15:18 Mawu Ofanana

Matiyò 27:29

Aŋga ndì hwa à wòwa ekɔ̀kɔ̀ yà gbee wò njenje rzìi hwa è òŋga nàa ekòòtò yà kìŋgɛ rzi hwa mò wɔ̀tìrzɛ̀ è yɔ̀ ò mòòhvò mò eni. Hwa mò tɛ̀tìrzɛ̀ mòtìmbò ò lìya là eni là mòme rzìi hwa rzùma màwɔ̀ŋgɔ̀ŋgɔ̀ ò rze lì mò kuwa. Hwa mà hwɛ lì òhwa nanù ema, “Èluhwe è hwɛ nà ò wà è kìŋgɛ yà wònyà Yudà!”

Makòrzì 15:17

Hwa mà mò wɔ̀tìrzɛ̀ mòŋgòmbè mò teyàa ema mò mà ayèkɛnɛ̀ mòŋgòmbè mò kìŋgɛ̀. Rzìi hwa òŋgà èkòòtò yà kìŋgɛ̀, hwa mò wɔ̀tìrzɛ̀ è yɔ̀ ò mòhvò mò eni.

Makòrzì 15:19

Hvònda nà hvònda tɛ hwa mà mò hvahva èèyè ò mòhvò, rzìi hwa mò rzɔ̀yeya hweyɔlì. Hwa mà mò, rzùmeya màwɔ̀ŋgɔ̀ŋgɔ̀ ò rze lì mò kùwa.

Makòrzì 15:2

Pìlatò rzìi à mò ijòwa nanù ema, “Ò wà ndi ò hwèlì è kiŋgɛ̀ yà hwatò hwa Yudà e?” Yerzù rzìi à mò tìmbìrzɛ̀lɛ̀lɛ̀ nanù ema, “Nà òma òhwi.”

Yòwanìrzɛ̀ 19:3

Hwa mà hwɛ lì ɛndɛ lì mò kòmbɛnɛ, rzìi hwa à mò òhweyà nanù ema, “Kìŋgɛ wà wònyà Yudà Èluhwe è hwɛ nà ò wà.” Hwa mà hwɛ hvɛ lì mò rzama màwumbɛ.