Makòrzì 15:16 - Mokpwe: Bakwery (New Testament)

¹⁶ Hwaànelì hwa njùma rzìi hwa tìmba Yerzù lì mò ɛ̀ndɛnɛ ò èwòka yà ama è mòkanelì rzìi hwa rzaŋga hwahvɛhvɛ hwaànèlì hwa njùma aŋga.

Makòrzì 15:16 Mawu Ofanana

Matiyò 26:3

O eŋge hvònda, Ipìlìrzì ndɛnɛ na hwatimbèlì hwa èkòmè hwa mà arzàŋganɛ ò è ndawò ya ama Kàyìhvàrzì, e Pìlìrzì ema e karzami.

Makòrzì 15:17

Hwa mà mò wɔ̀tìrzɛ̀ mòŋgòmbè mò teyàa ema mò mà ayèkɛnɛ̀ mòŋgòmbè mò kìŋgɛ̀. Rzìi hwa òŋgà èkòòtò yà kìŋgɛ̀, hwa mò wɔ̀tìrzɛ̀ è yɔ̀ ò mòhvò mò eni.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:33

Pìlatò rzìi à kpèeyà ò ndawò yà eni à hwɛlɛ Yerzù, rzìi à mò ijòwa nanù ema, “Ò wà ndi ò hwèlì è Kiŋgɛ yà wònyà Yudà e?”

Yòwanìrzɛ̀ 19:2

Hwàànà njùma rzi hwa lìŋgɛ̀lɛ̀ hwèkɔ̀kɔ̀ hwe mayi è mà hwe mà òhva ì njenje, rzìi hwa wèka tamba ema è mà àyɛ̀kɛ̀nɛ̀ ekòòtò rzìi hwa mò wɔ̀tìrzɛ̀ è yɔ̀ ò mòhvò. Rzìi hwa mò wɔ̀tìrzɛ̀ hvɛ mòŋgòmbè mò teya ema mò mà àyɛ̀kɛ̀nɛ̀ mòŋgòmbè mò ama kiŋgɛ̀.

Yòwanìrzɛ̀ 19:9

Pìlatò ama timba hvɛ ò mààndà mà eni, rzìi à ijòwa Yerzù nanù ema, “One ò uwɛ̀lɛ̀lɛ̀yi e?” Yerzù à mà kina e ya eni.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”