Makòrzì 15:15 - Mokpwe: Bakwery (New Testament)

¹⁵ Nà òmà Pìlatò, a mà àrze lì ujìrzɛ̀ hwaŋga hwatò à hwa rzòlòhweyà Bàrabàrzì. À mà ŋgba hwaànèlì hwa njùma è wònjà ema hwa gbiyɛ̀ Yerzù rzìi hwa mò wòmeya ò mbarza.

Makòrzì 15:15 Mawu Ofanana

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 27:26

Aŋga ndì Pìlatò à a hwà rzòlòhweyà Bàrabàrzì. O mburza hvònda ema à mà akɛlɛ lìlò nanù ema hwa gbiyɛ Yerzù, rzìi a mò akɛlɛ nanù ema hwà mò wòmeya ò mbarza.

Makòrzì 10:34

Wɔ̀ wò ò mò kùwa nà lì mò rzɔ̀yeya hweyɔ̀lì ò nyò ya eni, hwa mò gbiyɛ hvònji rzìi hwa mò òŋwa. O mburzà mèenyà meyawò à ò hvùmùwà.”

Makòrzì 15:14

Pìlatò rzìi a hwa ijòwa nanù ema, “Mamɛ ndèŋgàtɛ̀ e? Ima eyà ya wòhwe a gbèyi e?” Ndi hwa mà làmbòwà ndi ò ŋmanyu nanù ema, “O mò wòmeya ò mbarza!”

Lukàrzɛ̀ 18:33

Hwa mò gbiyɛ̀ hvònjì, rzìi hwa mò òŋwà. Ndi ò mburzà menya meyawò, à hvùmùwà.”

Lukàrzɛ̀ 23:16

O èŋgànɛ̀lɛ̀ rzɔ, nà òhwa ema e mò gbìyɛ̀ hvònjì, rzìi e mò hwɛ̀mɛ a ɛ̀ndɛ̀.”

Yòwanìrzɛ̀ 19:1

Pìlatò rzìi a òhwa à mà hwa ɛndɛ hwa tiye Yerzù.

Yòwanìrzɛ̀ 19:16

Pìlatò rzìi a hwa ŋgbà Yerzù à mà hwa ɛ̀ndɛ hwa mò wòmeya ò mbarza. Àŋga ndi hwà mà wurzana Yerzù.

Hwègbèèlì 24:27

O mburzà meya me hwàkɛ, Pòkìyùrzì Hvɛ̀rzìtùrzì mɔ̀ ndi à mà wòwa e mbòkò ya lìkànèyà la ama e mòkànèlì Hvɛlìkrzi. Hvɛlìkrzi à mà kìnyɛ̀lɛ̀ Pàwolò ò hwèwòwà ehwànja à mà arza lìinà la gbamù ò wòrzò wò hwatò hwa wònyà Yudà.

Hwègbèèlì 25:9

Hvɛ̀rzìtùrzì à mà arza lì luwa lìna la gbamù ò wòrzò wò hwatò hwa wònyà Yudà, ò eŋgànɛ̀lɛ̀ à mà ijòwa Pàwolò nanù ema, “O lìŋgàni lì ɛ̀ndɛ ò Jèrurzalɛ̀mù ò lì kàyìrzɛ̀hwɛ ò wòrzò wò amì aŋga e? O lì hvòmɛ̀nɛ̀ hwenè hweyà ema hwa òhwa lì ò teŋgɛ̀nɛ̀ e?”

Gàletìyà 1:19

Nà rzi ɛnɛ hvɛ tɔ̀ ehvɛhvɛ àpɔ̀rzìtòlò lì aka tɛ Jèmìrzì, e Rzàŋgo Yerzù ŋmanyàŋgò wa eni.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.