Makòrzì 14:72 - Mokpwe: Bakwery (New Testament)

⁷² Lìwòkìmɛnɛ è mòmɛ̀ wà wuhwa à tòŋga è ŋgèlì ema è mà ùkirzɛ̀ ihwàkɛ. Rzìi Pètrò à ɔ̀ŋgɛ̀lɛ̀ è mbɔrzi Yerzù à mà mò òhweyà nanù ema, “Ndèŋgana è mòme wà wuhwa à è tòŋga ŋgèlì ihwàkɛ, o ò nò rzɔ̀rzɔ̀ ŋgèlì iyàwò.” Rzìi Pètrò à wùmɛ̀nɛ̀ lùwa à wòteya lì eyaa.

Makòrzì 14:72 Mawu Ofanana

Matiyò 26:34

Yerzù rzìi à òhweyà Pètrò nànù ema, “Ìi Pètrò, nà è jɔ̀kɛ̀ wònò wùu mɛnɛ ndèŋgànà è mòmɛ̀ wà wuhwà à è tòŋga ò nò rzɔ̀rzɔ̀ ŋgelì iyàwò.”

Makòrzì 14:30

Yerzù rzìi à mò òhweyà nanù ema, “Nà ò òhweyà è jɔ̀kɛ̀, nanù ema ò wònò wùù mɛnɛ ndèŋgana è mòmɛ̀ wà wuhwà à è, tòŋga ŋgèlì ihwàkɛ ò nò rzɔ̀rzɔ̀ ŋgèlì Iyàwò.”

Makòrzì 14:68

Ndi Pètrò à mà rzɔ̀rzɔ. Rzìi à òhwa nanù ema, “Nà rza hwi tɔ̀ lì rzɔŋgìtɛ̀nɛ̀ mamɛ ema òhwa.” Nà òmà Pètrò à mà òhwe nanù rzìi à ɛ̀ndɛ lì tɛ̀mɛ̀ ò tòŋgòŋgò yà lìyòhva là hwèkpèèlì hwe kɔtɔ̀. Lìwòkìmɛnɛ è mòme wà wuhwà à mà tòŋga.

Makòrzì 14:71

Rzi Pètrò à wòteyà lì ajèmɛ mɔ̀ ŋmìti, nà lì ààtɛ̀ nanù ema, “Nà rza hwi ònò mòtò ema è òhwa lì hvòmɛ̀nɛ̀.”

Lukàrzɛ̀ 22:60

Pètrò à mà alàhwɛ̀ nanù ema, “Ŋmàyi kòkò nà rza hwi à hwiya mamɛ ema ò òhwa nanù.” Lìwòkìmɛnɛ rzìi è mòmɛ̀ wà wùhwà è tòŋgà.

Lukàrzɛ̀ 22:62

Pètrò à mà ànjiya èŋge èwòkà rzìi a wumɛnɛ lùwa la ije-ije.

2 Kɔ̀rintìyà 7:10

O hwèlì tɛ mòtò ema a hweyi wòhwe na oma Lohwɛ̀ mɔ̀ à àrzeyà, oŋgo mòtò a tikòwè o lì gbeyà wòhwe na oma Lohwɛ̀ mɔ̀ à àrzeyà. Ène ndi e gbeyà ema oŋgo mòtò a kɔtɔ̀we, ene rzɔ e rza tàtìrzɛ̀ tɔ̀ mòtò. Ndi hwatò ema hwa lòkɛ̀yi Lohwɛ̀, ema hwa hweyà wòhwe èhwanja hwa hwèlì ndi hwatò hwa hwènàmà, e hwa gbeyà ema hwa ŋwe o èlìŋgɛ̀.