Makòrzì 14:62 - Mokpwe: Bakwery (New Testament)

⁶² Yerzù rzìi à òhwa nanù ema, “Imba ndi nà hwèlì. Ndì o ò ɛnɛ è Ŋmanà wà è Mòtò wà Hwènàmà a lìyayi ò lìya là mòmɛ̀ lì ama Lohwà lì Karzami. O ò mò ɛnɛ à jà ò lìmbàki ema lì uwɛ̀lɛ̀lɛ̀yi ò ŋmanyu yà Lohwà.”

Makòrzì 14:62 Mawu Ofanana

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Matiyò 27:11

Ò ene hvònda Yerzù à mà tɛ̀mɛ̀ ò wòrzò wò amà Pìlatò ema à mà hwɛ lì kànèyà erzòòkà yà Yudà. Pìlatò rzìi à mò ijòwa nanù ema, “Ò wà ndì ò hwèlì è kiŋgɛ̀ yà wònyà Yudà è?” Yerzù rzìi à mò alàhwɛ̀ nanù ema, “È hwèlì ndì nà òma ò òhwì”

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Makòrzì 15:2

Pìlatò rzìi à mò ijòwa nanù ema, “Ò wà ndi ò hwèlì è kiŋgɛ̀ yà hwatò hwa Yudà e?” Yerzù rzìi à mò tìmbìrzɛ̀lɛ̀lɛ̀ nanù ema, “Nà òma òhwi.”

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Lukàrzɛ̀ 22:69

Ndi è hvònda è mà ukà, ema è Ŋmanà wà è mòtò wà Hwènàma, à lìya ò lìya là mòmɛ̀ là ama Lohwɛ̀ là Ŋginyà.”

Lukàrzɛ̀ 23:3

Pìlatò rzìi à ijòwa Yerzù nanù ema, “Ò wà ndi ò hwèlì è kiŋgɛ̀ yà wònyà Yudà e?” Yerzù rzìi à mò alàhwɛ̀ nanù ema, “Nà òmà ò òhwì.”

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hibrù 8:1

jànda jà mamɛ ema jò òhwa i hwèlì ndi nanù ema, jo òhvi ene tumba ya Pìlìrzì e Karzami ema, e lìyayi o èhvarzù ya lìya la mòmɛ̀ la e konda ya Lohwà lì karzami, o ŋmanyu yà lohwà.

Hibrù 8:10

Lohwɛ̀ à ohwa hvɛ nanù ema, Imba è Rzàŋgo ndi nà ohwa. Ò nàŋgɛ nanù yòòmbò ene ema nà hwɛni lì ààtɛ̀ɛ̀ nà wònyà Irzàyɛ̀lì, ò è hvonda ema è ò jɛ̀ɛ̀ è hwèlì ndi nanù ema: nà ò hwa gbeyà ò lì hwiya imbenda jà ami, ndèŋgànɛ̀lɛ̀ hwa ò ohva ŋmèma mò lì ika iŋgi mbenda. Imba nà ò hwɛ Lòohwà là awu, ndèŋgànɛ̀lɛ̀ wɔ̀ hvɛ hwa ò hwɛ hwatò hwa ami.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.