Makòrzì 14:61 - Mokpwe: Bakwery (New Testament)

⁶¹ Ndi Yerzù à mà andama ŋmɛ̀ɛ a rzi ŋgbe tɔ̀ ja alàhwɛ̀. Rzìi èŋge Pìlìrzì è karzami è mò ijòwa hvɛ nanù ema, “O wa ndi ò hwèlì e Mɔ̀ ema à Ɔ̀kirzɛ̀hwɛ̀yi e? È ŋmanà wa Lohwà ema lì ŋgbàahwì èluhwe e?”

Makòrzì 14:61 Mawu Ofanana

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Matiyò 3:17

Lìlò lì mà òhwa ò ŋmanyu yà lohwà nanù ema, “È Ŋmanà wà ami wà ndìŋgɛ yà màlìŋgò ònò, à nò òkirzɛ imba mɔ̀nyɛ̀ŋgì.”

Matiyò 8:29

Nà òma hwa ma ɛnɛ Yerzù, rzìi hwa wòteyà lì tɛɛ nanù ema, “È Ŋmàna wà ama Lohwɛ̀, mamɛ ò hwɛnì lì jò gbeyàna e? O jelì ndi anù ò lì jò kɔ̀kìrzɛ̀ ema e hvònda e rzìi uki e?”

Makòrzì 14:60

Rzìi e Pìlìrzì e karzami, e tɛ̀mɛ̀ ò wòrzò wò awu rzìi a ijòwa Yerzù, nanù ema, “Ò rza òhvi tɔ̀ eyà ò lì òhwa lì hvòmɛ̀nɛ̀ mamɛ hwanù hwatò hwa òhwa lì ò teŋgɛ̀nɛ̀ e?”

Makòrzì 15:2

Pìlatò rzìi à mò ijòwa nanù ema, “Ò wà ndi ò hwèlì è kiŋgɛ̀ yà hwatò hwa Yudà e?” Yerzù rzìi à mò tìmbìrzɛ̀lɛ̀lɛ̀ nanù ema, “Nà òma òhwi.”

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 10:24

Hwatò hwa Yudà hwà mà mò tòŋga rzi hwa mò ijòwa, nanù ema, “Ima hvònda ò hwɛni ò lì jò tàmìrzɛ̀ e? È hwèlì tɛ ema ò wa ndi ò hwèlì è Mɔ̀ ema à Ɔ̀kirzɛ̀hwɛ̀yi, ò jò òhweyà tòlòlò.”

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 18:37

Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”

Yòwanìrzɛ̀ 19:7

Hwàŋga hwatò rzìi hwa tìmbìrzɛ̀lɛ̀lɛ̀ Pìlatò nanù ema, “Ì òhvi mbenda ema jo òhwa nanù ema à hwɛni lì ŋwa èhwanja à òhwa nanù ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 19:9

Pìlatò ama timba hvɛ ò mààndà mà eni, rzìi à ijòwa Yerzù nanù ema, “One ò uwɛ̀lɛ̀lɛ̀yi e?” Yerzù à mà kina e ya eni.

Hwègbèèlì 8:32

Èhvarzu ya e kààtì ema òŋgò mòtò à mà hwɛ lì làŋga e ma hwɛ ndi nanù ema, “A ma timbahwa ndi nàa mɔ̀lɛ̀ŋgù ema hwa ɛ̀ndɛ̀nɛ̀ ò lì rzìika, mɔ̀ à mà hwɛ ndi nàa ŋguma ya mɔ̀lɛ̀ŋgù ema mò rza eyà luwa lìrzakò ema hwa mò rzenjòwa i rzòwe, ò èŋgànɛ̀lɛ̀ rzɔ mɔ̀ à rzi òhwe tɔ̀ eyà.

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

1 Tìmotì 6:15

Mɔ̀ a o jà o wùnyà ema Lohwɛ̀ e Tatɛ̀ a ikayi nanù ema a jà, mɔ̀ Lohwɛ̀ ema hwatò hwa eka. Ndèŋgàna mɔ̀ ndi à hwèlì e mɔ̀ mɛnɛ ema a hwèlì e Mòkànèlì mòndɛ̀nɛ hwa e rze ya arzɛ. Mɔ̀ ndi à hwèlì e Kiŋgɛ ya ikiŋgɛ̀ ja arzɛ, mɔ̀ ndi hvɛ a hwèlì Rzàŋgo wa irzàŋgo ja arzɛ.

1 Pètrò 2:23

È hvonda ema hwà mà mo hwɛnyɛ, mɔ̀ à rzi timbirzɛlɛlɛ na yolì. È hvonda ema à mà take a rzi kimeya tɔ̀ mòtò, ndi à mà ika ndi lìhvìtà la eni na Lohwɛ̀ e mòkàyìrzèlèlì wa jɔ̀kɛ̀.