Makòrzì 14:36 - Mokpwe: Bakwery (New Testament)

³⁶ Yerzù rzìi à òhwa nanù ema, “Ìi Tàà, Tatà ò tànɛyi lì gbeyà tɔ̀ mamɛ ema ò arza lì gbeyà. Ò nò wòwanè menè mètàkà. Ndi rzeketɛ nà òmà nà àrza ndi nà òma ò arza.”

Makòrzì 14:36 Mawu Ofanana

Matiyò 26:39

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”

Matiyò 26:42

Yerzù a tìmba hvɛ ò lì kanɛ̀ rzìi a òhwa nanù ema, “Ìi Tatà wa ami, e hwèlì tɛ ema ò rza tanɛ lì nò wòwàna mònò muna mò mòtàkà ema na rzi mò hwanɛ inyɛ lì emeyà lì aŋgɔ̀ lì gbèyɛ̀nɛ.”

Matiyò 6:9

O èŋgànɛ̀lɛ̀ rzɔ nanù ndi inyɔ è hwɛnì lì kanɛ̀, Lohwɛ̀, Tatɛ̀ wà arzu ema ò hwèlì ò ŋmanyu, èluhwe è hwɛ nà lìinà là aŋgɔ̀.

Makòrzì 10:27

Yerzù a mà hwa ɔŋgɔ̀ kòò rzìi a òhwa nanù ema, “È hwèlì tɛ ò hwatò e rza tanɛ e gbèyɛnɛ. Ndi e hwèlì tɛ nà Lohwɛ̀, ò rza enje eyà e ambi.”

Makòrzì 10:39

Hwà mà alàhwɛ̀ Yerzù hwa ma, ì tànɛyi. Yerzù rzìi a hwa timbirzɛlɛlɛ nanù ema, “È tanɛ lì hwanɛ̀ mètàkà ema nà hwanɛ̀yi, e ò lùwa lì lùhwìrzɛ̀ la mètàkà ema nà ò lùwa,

Makòrzì 14:37

À mà kulɛ̀ lì kanɛ̀ rzìi à timbeyà hwà-òkòwèlì hwa eni hwààyɛ̀ à ùŋma hwa nàŋgayi. Rzìi à òhweyà Pètrò nànù ema, “Ò lìmelì ndi ò ìjɔ, ò rza tanɛ lì lìya èhvɛnyɛ nà imba tɔ̀ awà hvɔ̀kɔ e?

Yòwanìrzɛ̀ 12:27

“Nàŋgɛ nanù nà tàkirzɛ̀hwɛ̀yi ò mèèmà mò ami. Ò èŋgànɛ̀lɛ̀ mamɛ nà hwɛnì lì òhwa e? Nà òhwe ndi nanù ema, ‘Tatà ò rzìi emeyà nanù ema mònò mòtàkà ema mò òŋgòlɛyi mò nò ùŋmànɛ̀lɛ̀.’ Jàyɛ̀! Nà rza òhwa nanù, èhwanja ene hvònda yà mòtàkà è ɔ̀ndi nà jɛ̀lɛ̀lɛ̀yi.

Yòwanìrzɛ̀ 18:11

Yerzù rzìi à òhweyà Pètrò nànù ema, “Timbirzɛ è rzɔ̀lɔ̀ yà aŋgɔ̀ ò ekpa yà rzɔ̀lɔ̀. Nà rza hwɛnì lì taka ò mètàkà ema Tatɛ̀ à mà tɛ̀yirzɛ nanù ema nà mè luwe e?”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 5:30

“Nà rza tànɛ̀yi lì gbeyà eyà na è wònjà yà amì, na kàyìrzɛ̀ ndi na òma e Rzàŋgò a nò òhwèlì, ò èŋgànɛ̀lɛ̀ hwèkàyìrzèlèlì hwe tɛmi ehve-ehve, èhwanja na rza kàyìrzɛ̀ ndi na òma imba na arza, ndi na kàyìrzɛ̀ ndi na òma e mɔ̀ e ma a nò òmi a arza.

Gàletìyà 4:6

Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”

Hvìlipìyà 2:8

È hvonda ema à mà hwɛ nàa e mòtò wa hwènàmà, à mà arzihwirzɛ mɔ̀ ŋmìti, ndèŋgànɛ̀lɛ̀ à mà emeyà o lì ŋwa. A ma emeyà o lì ŋwèeyà o mbàrza,

2 Tìmotì 2:13

I gbèyi tɛ mamɛ ema Krirztò a arza nanù ema i gbeye, mɔ̀hvɛ a gbeyà hweŋge hwe arzɛ ema a ohwi nanù ema a gbeyà, èhwanja mɔ̀ à rza tanɛ lì arzɔ̀rzɛ̀ mɔ̀ ŋmìti.”

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.

Hibrù 6:18

Lohwɛ̀ à mà ŋgbà hwene hweyà hweahwàkɛ ema hwe rza tanɛ lì àyèŋgowɛ̀, ehwànja Lohwɛ̀ a rza kɔ̀ɔ hweyà. A ma jo ŋgba yòombò na lìkàkɛ̀nɛ. A ma gbeyà ndi nanù, aŋga nanù irzɔ ema i lɛmbi lìni lìkàkɛ̀nɛ na màyìmbi jo o rzulɛhwɛ, na o lì àhvìtɛ̀ o hwèèmà ema mɔ̀ à ohwi nanù ema a o jo ŋgba.