Makòrzì 14:35 - Mokpwe: Bakwery (New Testament)

³⁵ À mà tòmbeya ŋmanà hvòkà lìtaŋga à ahvimbɛ ò rze lì kanɛ̀ nanù ema, è hwèlì tɛ ema ò tànɛ̀yi lì nò tìndeya ene hvònda yà mòtàkà ema è rzi nà ɔ̀lɛ̀ ò è tìnde.

Makòrzì 14:35 Mawu Ofanana

Matiyò 26:39

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”

Matiyò 26:45

Rzìi à jèeyà hvɛ Hwà-òkòwèlì hwa eni hwaayɛ a hwa òhweyà nanù ema, “È lìmelì ndi ò ijɔ nanù mɛnɛ na lì Arzìyòlɛ̀ e? È ɔ̀ŋgɔ tɛ! È hvònda ene ema è Ŋmanà wà è Mòtò wà Hwènàmà a ò ŋgbààhwà ò màà mà hwatò hwa wòhwe.

Makòrzì 14:41

A mà tìmba hvɛ e ŋgèlì ema è ma ùkirzɛ̀ iyàwò, à mà hwa òhweyà nanù ema, “È lìmelì ndi ò ìjɔ nà lì arzìyòlɛ̀ e? È hwɛmɛ nanù! È hvònda e ma ukà, e ɔŋgɔ̀ tɛ è Ŋmanà wà è Mòtò wà Hwènàmà à ò ŋgbààhwà ò màà mà hwatò hwa wòhwe.

Lukàrzɛ̀ 22:41

À mà hwa akakòwɛ eyà ya ŋgùrzù jà màtàŋgà, rzìi à rzùma màwɔ̀ŋgɔ̀ŋgɔ̀ mà eni ò rze, rzìi à wòteyà lì kanɛ̀ nanù ema,

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Hibrù 5:7

È hvonda ema Yerzù à mà hwɛ ò è rze yà mɔ̀nyɛ̀, à mà hwɛ lì kànɛ, lì atɛkɛ Lohwɛ̀, à mà hwɛ lì eeya lùwa lì ndɛnɛ, ndèŋgànɛ̀lɛ̀ mììrzɔ̀lì ma mà hwɛ lì mò wurza. À mà hwɛ lì kànɛ̀lɛ̀lɛ̀ Lohwɛ̀ ema à tanɛyi lì rzùŋga lòŋgɛ là eni. Lohwɛ̀ à mà hweyàna lìkanɛ̀ là eni, èhwanja mɔ̀ à hwɛni wɔ̀ɔ̀ŋgɔ̀ wo ama Lohwɛ̀ o tenì ya eni.

Hwèwulùwèlì 4:10

È hvonda ema hwe mà hwɛ lì emba, eŋge mbàŋgɛ yà hwàmbaki nà hwànìi hwa mà kpa ò worzo wò ama è mɔ̀ ema à lìyayi ò konda yà lìkànèyà, ema à hwèlì ò lòŋgɛ ò gbìndèyà nà ò gbìndèyà. Wɔ̀ hwa mà hwɛ lì mò ŋgba èluhwe, rzìi hwa hvimba hwèkòòtò hwe awu ò rze, ò worzo wò è konda yà lìkànèyà rzìi hwa à emba nanù ema,

Hwèwulùwèlì 5:14

Hweŋge hwèembè hwe aniyɛ hwe ma hwɛ lì ohwa nanù ema, “Inyɛ̀ wo lìya nanù.” Èŋge mbàŋgɛ ya hwàmbaki na hwànìi rzìi e kpa o rze rzìi e kànɛ e Ŋguma ya Mɔ̀lɛ̀ŋgù.