Makòrzì 14:26 - Mokpwe: Bakwery (New Testament)

²⁶ Hwa mà kulɛ lì emba mɔ̀rzɔ̀kɔ̀ mò lì eka rzìi hwa ɛ̀ndɛ ɔ̀nɛyi mòòlì mò Njàhwɛ̀.

Makòrzì 14:26 Mawu Ofanana

Matiyò 21:1

Nà òma Yerzù na hwà-òkòwèlì hwa eni hwà mà kòmbɛ̀nɛ̀ e mbòwà ndɛnɛ ya Jèrurzalɛ̀mù, hwà mà uka e mbòwà ya Bɛ̀thvegi ò e hvàko ya Njàhwɛ̀. Yerzù rzi a òma Hwà-òkòwèlì hwa eni hwahwàkɛ ò lì ɛndɛ ò wòrzò,

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Makòrzì 14:25

Nà è òhweyà è jɔ̀kɛ̀, na rzà ò nyɔ manù mimbà hvɛ, natɛ̀ɛ nà ò ma nyɔ hvɛ ma hvènya ò Lìkànèyà là ama Lohwɛ̀.”

Lukàrzɛ̀ 22:39

Yerzù a mà ànjiye ò èŋge tùu nà hwà-òkòwèlì hwa eni, rzìi hwa ànjiya èŋge mbòwà, hwa àgba ò mòòlì mò Njàhwɛ̀, nàa ɛ̀ɛ̀mɛ̀ ya eni.

Yòwanìrzɛ̀ 18:1

È hvònda Yerzù à mà kulɛ lì kànɛ, rzìi a anjiya na Hwà-òkòwèlì hwa eni, rzìi hwa aka ituŋgu ema e ma hwɛ̀lɛ̀hwɛ̀ Kidrɔ̀ni. O ma hwɛ hvaya aŋga rzìi hwa kpèeyà ò tenì ya eŋge hvaya.

Hwègbèèlì 16:25

O eyà ya kɔrzi ya wuu, Pàwolò na Rzàyìlàrzì hwà mà hwɛ lì kànɛ na lì embeya Lohwɛ̀ mɛ̀rzɔ̀kɔ̀ me kààtì. Rzìi hwanɛ̀yi hwatò hwa hwèwòwà hwa a hwa òkànèyà.

1 Kɔ̀rintìyà 14:15

Ò èŋgànɛ̀lɛ̀ rzɔ mamɛ nà hwɛnì lì gbeyà e? Nà o kanɛ̀ na èlìŋgɛ̀ ya ami, rzi na o kanɛ̀ hvɛ o ŋmèma mo ami. Nà o emba jèembò na èlìŋgɛ̀ ya ami, rzi nà o embà hvɛ jèembò na ŋmèma mo ami.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

Jèmìrzì 5:13

Tɔ̀ ima mɔ̀ wa anyu ema a hwèlì o mòtàkà inyɛ a kànɛ. Tɔ̀ ima mɔ̀ wa anyu ema a ohvi mɔ̀nyɛ̀ŋgì inyɛ a embeya Lohwɛ̀ mɛ̀rzɔ̀kɔ̀ me jeka.

Hwèwulùwèlì 5:9

Hwa mà èmba mɔ̀rzɔ̀kɔ̀ mòhvènya, nanù ema, “Ò kànɛ̀yi lì wòwa è kààti ema è lìŋgɛ̀lɛ̀hwɛ nà ò lì rzòlòwà mòjèkà mò eni, ò kànɛyi ehwànja ò mà oŋwàhwa, ndèŋgànɛ̀lɛ̀ ò mà kɔ̀tɔ̀wɔ̀ hwatò hwa ama Lohwɛ̀ nà màyija mà aŋgɔ. Ò mà gbeyà hwa mà timba ndi hwatò hwa ama Lohwɛ̀. Hwa mà uwɛ̀lɛ̀lɛ̀yi ò mahvɛhvɛ màtumba, hwa ò ohwa ihvɛhvɛ mbɔrzi, hwa uwɛ̀lɛ̀lɛ̀yi ò hwehvɛhvɛ hwèkòmè, ndèŋgànɛ̀lɛ̀ hwa hwèlì inyayi jà hwatò hwa arzɛ.