Makòrzì 14:24 - Mokpwe: Bakwery (New Testament)

²⁴ Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì jà hwatò. Manù màyija mà hwèlì ndi màyija mà hweyi hvènya.

Makòrzì 14:24 Mawu Ofanana

Makòrzì 10:45

Èhwanja tɔ̀ è Ŋmanà wà è Mòtò wà Hwènàmà a rzi je ndi ema hwa mò gbèeyà. A jelì ndi ò lì hwɛ è mògbèèlì wa hwatò hwa arzɛ. Nà ò lì ŋgba lòŋgɛ la eni ò lì kɔ̀tɔ̀ rzayì-rzayì ja hwatò.”

Makòrzì 14:23

Rzìi à wòwà hvɛ lìwònde, à ŋgbà Lohwɛ̀ jèka rzìi à è hwa tɛ̀tìrzɛ̀ è lɔ̀ rzìi wɔ̀ hwa arzɛ hwa è nyɔ.

Makòrzì 14:25

Nà è òhweyà è jɔ̀kɛ̀, na rzà ò nyɔ manù mimbà hvɛ, natɛ̀ɛ nà ò ma nyɔ hvɛ ma hvènya ò Lìkànèyà là ama Lohwɛ̀.”

Lukàrzɛ̀ 22:20

È hvònda ema hwa mà kulɛ̀ ò lì làa, nyayi hvɔ̀kɔ mɛnɛ, à hwà ŋgbà lìwònde rzìi à òhwa nanù ema, “lìni lìwònde là mimba, lì hwèlì ndi yòòmbò è hvènya lì hvòmɛ̀nɛ̀ Lohwɛ̀ nà inyɔ, è hweyi yà màyija mà ami, ema mà hwɛnì lì è rzòweyà ò nyòla ya ànyu.

Yòwanìrzɛ̀ 6:53

Yerzù rzìi a hwa òhweyà àma, “Nà e òhweyà ndi e jɔ̀kɛ̀ e rza lelì tɛ e nyàmà nyò ya ama è Ŋmanà wà è Mòtò wà Hwènàmà rzi e nyɔ hvɛ màyija ma eni e rza tànɛyi lì òhva lòŋgɛ la gbìndèyà.

1 Kɔ̀rintìyà 10:16

Lìwòndè ema i gbeyàna o lì nyɔ̀ɔnɔ lìrzako la lì làa la Rzàŋgo lì hwèlì ndi o lì ŋgbaà Lohwɛ̀ jèka o nyòla e kpelì ya ama Krirztò. Èhvòòtò hvɛ ema i kanda. Je lelì tɛ oma i rzɔ na Krirztò i hwèlì ndi mɔ̀kɔ o nyo ya eni.

1 Kɔ̀rintìyà 11:25

È hvonda ema hwa mà kulɛ̀ ò lì làa, nyayi hvɔ̀kɔ mɛnɛ, rzìi à wòwà lìwònde à ohwa nanù ema, “lìni lìwònde là mimba, lì hwèlì ndi yòòmbò è hvènya lì hvomɛ̀nɛ̀ Lohwɛ̀ nà inyɔ, è hweyi yà màyija mà ami. Nà oma è mà nyɔ ŋgɛ̀lɛ̀-ŋgɛ̀lɛ̀, è gbèye ndi nanù ò lì nò ɔ̀ŋgɛ̀lɛ̀.”