Makòrzì 14:22 - Mokpwe: Bakwery (New Testament)

²² Nà òmà Yerzù na hwà-òkòwèlì hwa eni hwà mà hwɛ lì làa Yerzù rzìi a wòwà ehvòòtò, a ŋgba Lohwɛ̀ jeka, à è kahwa à è ŋgba hwà-òkòwèlì hwa eni rzìi a òhwa nanù ema, “È wòwè e nyò ya ami ene.”

Makòrzì 14:22 Mawu Ofanana

Matiyò 14:19

Nà òma hwà-òkòwèlì hwa eni hwa mà hwe jànè, rzìi Yerzù à òhweyà hwaŋga hwatò ama hwa lìya ò mòkòòkò rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ, à ɔ̀ŋgɔ ò ŋmanyu yà lohwà, à ŋgba Lohwɛ̀ jeka rzìi à kɛrzɛ hweŋge hwèhvòòtò nà màà mà eni. Nà òma à mà hwe kɛ̀rzɛ, à ŋgba hwà-òkòwèlì hwa eni ò lì hwe kahweyà eŋge ŋgindi.

Makòrzì 10:16

Yerzù rzìi à rzaŋga hwaŋga hwàna, rzìi à hwa hwàkɛ lìya là eni ò mèyòhvò mè awu mɔ̀kɛ-mɔ̀kɛ, rzìi à hwa nàmìrzɛ̀.

Makòrzì 14:21

È Ŋmanà wà è Mòtò wà Hwènàmà à ŋwa nà òmà è tìlahwì lì mò hvòmɛ̀nɛ̀. Ndi èwòma nà òŋgò mòtò ema à ò àhwirzɛ̀ è Ŋmanà wà è Mòtò wà Hwènàmà. È mà hwɛ gbamù nanù ema, òŋgò mòtò à rzìi ŋyahwe.”

Makòrzì 14:23

Rzìi à wòwà hvɛ lìwònde, à ŋgbà Lohwɛ̀ jèka rzìi à è hwa tɛ̀tìrzɛ̀ è lɔ̀ rzìi wɔ̀ hwa arzɛ hwa è nyɔ.

Makòrzì 14:24

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì jà hwatò. Manù màyija mà hwèlì ndi màyija mà hweyi hvènya.

Makòrzì 6:41

Yerzù rzìi à wòwà hwèŋge hwèhvòòtò hwe atanɛ̀ nà iŋgi nyàmà jà malìhwa jà ahwakɛ rzìi à ɔ̀ŋgɔ ò ŋmanyu yà lohwà, à ŋgba Lohwɛ̀ jeka, rzìi à kahwa hwèŋge hwèhvòòtò, à hwe ŋgba Hwà-òkòwèlì hwa eni ema hwa kàhweyà èŋge ŋgìndì. À mà wòwa hvɛ inyàmà ja ahwàkɛ ja malìhwà rzìi a kahweyà hwaŋga hwatò hwa arzɛ.

Lukàrzɛ̀ 22:17

Yerzù rzìi a wòwa lìwòndè la hwènyɔ̀ɔ̀nì, a ŋgbà Lohwɛ̀ jekà rzìi a òhwa nanù ema, “È wòwè e nyɔ mɔ̀kɔ nà ɔ̀nɛ̀yi.

Lukàrzɛ̀ 24:30

Nà òmà hwa mà lìya ò lì làa, à mà wòwa èhvòòtò, rzìi à è nàmìrzɛ̀, à mà kanda èhvòòtò, rzìi a hwa ŋgbà e yɔ.

Yòwanìrzɛ̀ 6:23

Rzayì-rzayì ja mɔ̀lɔ̀ ma uhwɛlɛ ò mbòwa ya Tìbɛ̀rìyàrzì ma mà rzɛ̀wɛ̀hwɛ̀ lì kòmbɛ̀nɛ̀ èki ema e ŋgindi e ma lèeyà hwèhvòòtò ò mburza hvònda ema Rzàŋgò à mà ŋgbe Lohwɛ̀ jèka.

1 Kɔ̀rintìyà 10:4

Hwa mà nyɔ hvɛ ndi malìhwa mɔ̀kɔ me èlìŋgɛ̀. Hwà mà nyɔ ndi malìhwa ema Lohwɛ̀ à mà gbeye ma mà wurza o èkɔ̀kɔ̀ ya lìŋyàyi. Èŋge èkɔ̀kɔ̀ ya lìŋyàyi e ma hwɛ na wɔ̀ o hwèki hwe arzɛ ema hwà mà ɛ̀ndɛ, e ma hwɛ ndi Krirztò ŋmitɛ-ŋmitɛ.

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.