Makòrzì 14:13 - Mokpwe: Bakwery (New Testament)

¹³ Àŋga ndi à òhweyà Hwà-òkòwèlì hwe eni hwaàwakɛ àma, “È ɛ̀ndɛ ɔnɛ̀yi mbòwà mòtò ema a hwanɛ̀yi lìŋgàki la malìhwa à è ùŋmànɛ̀lɛ̀ è mò òŋgame.”

Makòrzì 14:13 Mawu Ofanana

Matiyò 8:9

Imba mbiti nà hwèlì ndi mòtò ò rze yà lìkànèyà. Nà kànèyà hvɛ hwàànà njùma. Nà òhweyà ŋmànèlì mɔ̀kɔ wà njuma nanù ema, ‘Ɛ̀ndɛ,’ ndèŋgànɛ̀lɛ̀ à ɛ̀ndɛ. Nà òhweyà hvɛ ɔ̀nɛyi nanù ema, ‘Jà,’ mɔ̀ hvɛ à jà. Nà òhweyà hvɛ è mògbèèlì wa ami nanù ema, ‘Gbeyà ene eyà,’ mɔ̀ hvɛ à è gbeyà.”

Makòrzì 14:12

O wùùnya wò wòrzò wò e Ndèma ya Èhvòòtò ema è rza hwɛnɛyì ehwindi èma wò òhwa ema hwa òŋwè è ŋguma ya mɔ̀lɛ̀ŋgù ò lì rzèkeya mòlelì mò hwèlèèlì mò lì aka ɔnɛ̀yi. Hwà-òkòwèlì hwa ama Yerzù rzìi hwa mò ijòwa nanù ema, “One ò arza nanù ema ì rzèkeya hwelèelì hwe lì aka ɔnɛ̀yi e?”

Makòrzì 14:14

È uki tɛ e òhweyà e mò hwɛnɛ wa ndawò ema mɔ̀ à kpèeyà nanù ema, “È Mòòkòlèlì àma òne ilùkù ja hwàyɛ̀nì aŋga ndi mɔ̀ à leeyà mòlelì mò e ndèma ya lì Akà Ɔnɛ̀yi na hwà-òkòwèlì hwa eni.

Yòwanìrzɛ̀ 15:14

È hwèlì ndi imbunda ja ami e gbèyi tɛ mamɛ ya arzɛ na arza ema e gbeye.

Yòwanìrzɛ̀ 2:5

Yerzù nyàŋgɛ rzìi a òhweyà hwàgbèèlì hwa eŋge ndèma nanù ema, “È gbeye tɔ̀ mamɛ ema a e òhweyà ò lì gbeyà.”

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.