Makòrzì 14:12 - Mokpwe: Bakwery (New Testament)

¹² O wùùnya wò wòrzò wò e Ndèma ya Èhvòòtò ema è rza hwɛnɛyì ehwindi èma wò òhwa ema hwa òŋwè è ŋguma ya mɔ̀lɛ̀ŋgù ò lì rzèkeya mòlelì mò hwèlèèlì mò lì aka ɔnɛ̀yi. Hwà-òkòwèlì hwa ama Yerzù rzìi hwa mò ijòwa nanù ema, “One ò arza nanù ema ì rzèkeya hwelèelì hwe lì aka ɔnɛ̀yi e?”

Makòrzì 14:12 Mawu Ofanana

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Makòrzì 14:1

Ò mà tɛɛnɛ mèenyà mehwàkɛ ò hvònda yà lì Akà Ɔnɛ̀yi nà ò e Ndèma yà Èhvòòtò ema è rza òhvɛ Èhwindi ò lì uka. Ipìlìrzì ndɛnɛ nà Hwà-òkòlèlì hwa mbenda hwa mà hwɛ lì arza ŋmànò mò lì ŋgbaŋgɛ Yerzù ò jùtuta ò lì mò òŋwà.

Makòrzì 14:11

Ipìlìrzì ndɛnɛ ì ma lìŋga ò lì hweyà nanù rzìi hwa kàkɛ̀nɛ ò lì mò ŋgba kahvà. À mà wòteya rzɔ lì arza nɛ a lùweya ehvòlò ò lì hwa ŋgba è mɔ̀.

Makòrzì 14:13

Àŋga ndi à òhweyà Hwà-òkòwèlì hwe eni hwaàwakɛ àma, “È ɛ̀ndɛ ɔnɛ̀yi mbòwà mòtò ema a hwanɛ̀yi lìŋgàki la malìhwa à è ùŋmànɛ̀lɛ̀ è mò òŋgame.”

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.